Tre shtetas holandezë, një baba së bashku me dy fëmijët e tij të mitur, kanë humbur orientimin në zonën malore të Gjipesë.

Pas marrjes së njoftimit, efektivët e Njësisë Speciale Delta kanë nisur operacionin e kërkim-shpëtimit në terrenin e vështirë të Gjipesë.

Pas kontrolleve në zonë, tre turistët janë lokalizuar dhe nxjerrë nga terreni i vështirë malor. Ata kanë marrë ndihmën e parë në vendngjarje dhe sipas informacionit paraprak, janë në gjendje të mirë shëndetësore.

Turistët po transportohen drejt spitalit për kontrolle mjekësore më të detajuara.