GJIROKASTËR - Kryekëshilltari i djathtë në bashkinë e Gjirokastrës, Bexhet Çobani, ka reaguar sot lidhur me vendosjen e blloqeve të betonit nga ministria e Mbrojtjes ne aerodromin e Gjirokastrës ditën e enjte.
 
Çobani në deklaratën e tij i ka kërkuar qeverisë dhe Ministrisë së Mbrojtjes vendosjen e sistemit të radarëve, me qellim ruajtjen e shkeljeve ajrore që mund të ndodhin në luginën e Drinos dhe jo vendosjen e blloqeve të betonit.

“Ne i propozojmë qeverisë dhe ministrisë së mbrojtjes, të vendosi sistemin e radarëve në godinat ekzistuese të aeroportit. I cili do të bëjë të mundur ruajtjen e shkeljeve ajrore për të gjithë luginën e Drinos. Pasi ky veprim do të parandalonte fluturimet e paautorizuara në lëndinën e Çajupit apo kudo tjetër.”-tha Bexhet Çobani.
 
Në kuadër të rritjes së sigurisë ajrore dhe luftës së trafikut të lëndëve narkotike, Ministria e Mbrojtjes që prej ditës së enjte ka bërë rrethimin e aerodromit të Gjirokastrës me blloqe betoni.
 
Redaksia Online
(a.h/shqiptarja.com)