POP 5

Lajmet më të lexuara të 5 minutave të fundit

Ekonomi

Lajme nga emisionet

Aeroporti në Gjirokastër, ekspertët zbulojnë për Report Tv sa do të kushtojë! Zgjidhja e duhur për jugun

Gjirokastra do jetë qyteti në të cilin do të ngrihet porta e dytë hyrëse ajrore në jugun e vendit, krahas atij të Vlorës, që është “në kantier”.

Progresi i jashtëzakonshëm në turizëm vitet e fundit ka bërë që Shqipëria të jetë e gatshme për zgjerimin e saj në fushën e aviacionit dhe ndërtimin e aeroporteve të tjera përpos atij historik, të Rinasit.

Gjirokastra do jetë qyteti në të cilin do të ngrihet porta e dytë hyrëse ajrore në jugun e vendit, krahas atij të Vlorës, që është “në kantier”.

Ndërtimi i aeroportit në Gjirokastër pritet të fillojë gjatë këtij viti.

Për të hedhur dritë mbi këtë projekt të madh, e cili do jetë një serum ekonomik për zonën dhe mbarë jugun e Shqipërisë, të ftuar në “Studio Live” me Report Tv me Arbër Hitajn, ishin eksperti i aviacionit civil, Altin Progonati dhe eksperti i ekonomisë, Fatos Çoçoli.

Çoçoli tregoi se vendimi për ndërtimin e një aeroporti në Gjirokastër, erdhi pas shumë analizave dhe studimeve të cilat fillimisht ishin të përqendruara në Sarandë, por për një sërë arsyesh kjo e fundit nuk plotësoi kushtet për një investim të tillë..

“Në nivel të asaj zgjedhjes ekonomike është menduar që është më mirë Gjirokastra pasi përfshin më mirë jugun, kap Përmetin, kap pjesë të tjera të rëndësishme të jugut dhe ndërkohë ka disa anë të tjera teknike që do t’i thotë zoti Progonati, por ishte më një betejë të fortë me planin por të ndërtuar aeroportin të dytë të jugut në Sarandë.

Zgjedhja është përfundimtare dhe ne presim vetëm të zhvillohen procedurat”,-tha Çoçoli.

“Këtë vit bëhet studimi i leverdisshmërisë, bëhet tenderi ndërkombëtar dhe do mbyllet kontrata. Në rast se do ketë investues qoftë vendas qoftë të huaj që do ta marrin përsipër, aq më mirë për ne se nuk do të ketë para nga buxheti i shtetit dhe aeroporti do të funksionojë pa derdhur ndonjë qindarkë aty”,- shtoi ai.

Ndërsa eksperti i aviacionit civil, Altin Progonati, arsyetoi shkaqet teknike të përjashtimit të Sarandës nga si alternativ për ndërtimin e aeroportit të dytë të jugut.

“Në mendimin tim Saranda kishte disa vështirësi nga ana teknike pasi ndodhet shumë afër aeroporti të Korfuzit dhe kemi një ndërthurje të zonave ajrore, pra në momenti e hyrjes së avionëve, ajo është një problematikë më vete. Dhe hapësira në tokë, dhe ajo ka problemet e veta, kurse Gjirokastra është më e favorizuar në këtë aspekt”,-tha Progonati.

Progonati deklaroi se një aeroport i atij niveli është i gatshëm të presë 600 mijë deri në 1.5 milion pasagjerë në vit, si dhe ka një kosto totale ndërtimi nga 50 në 70 milionë euro.

“Kapaciteti do të jetë i mesëm, mbi kapacitetin e fluturimit të shtohet dhe kapaciteti mësimor. Një aeroport i asaj kategorie mund të shkojë nga 600 mijë në 1 milion e gjysmë pasagjerë në vit”,-tha Progonati.

“Për një aeroport të këtyre përmasave nga 50 në 70 milionë euro janë mjaftueshëm”,- shtoi ai.

K.M/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Albatros: 10/02/2024 13:38

    Per cfare na duhen gjithe keto Aeroporte ne ne Shqiperi qe tebytemi nga tymrat e Avioneve? Nje vend I vogel si Shqiperia boll I ka Dy Aeroporte. Per ke Po I bejne per avoinet privat te cifuteve we do pronesojne Shqiperine sic eshte plani I Sorrosit

    Përgjigju
  • Iris: 09/02/2024 00:13

    Na mbushe mendjen o ekspert,na nderthuren zonat ajrore?! Ketu ku jetoj une,qyteti ka aeroport te brendshem dhe kryeqyteti i shtetit ku jetoj qe eshte vetem nje ore larg me autobuz nga ne,ka aeroport,bile e ka te perziere fluturime nderkombetare me ato mbarekombetare dhe nuk ka ndodhur kurre qe te dy aeroportet t'ju /nderthuren zonat ajrore/e kufijte ajrore! Thuaj me mire qe i rate shkurt se Gjirokastra e kishte gati pisten,Saranda do te duhej t'a fillonte cdo gje nga zero.Keshtu e bete dhe per hekurudhen per ne Kosove,e devijuat andej nga ishte gjysem e gatshme.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Rusia anashkalon sanksionet perëndimore, fillon përdorimin e Bitcoin në tregtinë ndërkombëtare

Rusia anashkalon sanksionet perëndimore, fillon përdorimin e Bitcoin në tregtinë ndërkombëtare

26 Dhjetor, 17:14