Gjonaj: Mbikqyrje e veçantë për 140 të dënuar të rrezikshëm, veç “41 bis”! Risi absolute e reformës në burgje, masat për neutralizimin e të burgosurve

Gjonaj: Mbikqyrje e veçantë për 140 të dënuar të rrezikshëm, veç “41 bis”! Risi absolute e reformës në burgje, masat për neutralizimin e të burgosurve

Ministrja e Drejtesisë Etilda Gjonaj

TIRANË- Autoritetet thonë se kanë ndërmarrë një masë të re për mbikqyrjen e veçantë të të burgosurve kur me sjelljen e tyre përbëjnë rrezik për të tretët apo sigurinë e institucionit.

Kio masë vlerësohet të jetë risi absolute e reformës në sistemin e burgjve me synim neutralizimin e të dënuarve apo të paraburgosurve shumë të rrezikshëm, që janë eksponentë të spikatur të botës së krimit.

Kjo kategori vlerësohet se përbënte më parë rrezik për shoqërinë edhe pse ndodheshin pas në vuajtje të dënimit apo paraburgimit. Ky është një regjim i posaçëm veç të njohurit “41 Bis” dhe deri më tani përfshin mbikqyrjen e veçantë të të 140 personave.

Ministrja e Drejtësisë, Etilda Gjonaj në tryezën “Arritjet në përmirësimin e sistemit penitenciar, sfidat dhe prioritetet” tha se kjo masë përbën formën më të lartë të kontrollit ndaj të dënuarve dhe ka rezultuar si instrument efikas në vende si Italia dhe SHBA.

Gjonaj kujtoi se në ligjin për trajtimin e të dënuarve me burgim dhe të paraburgosurve është parashikuar tashmë regjimi i posaçëm (41 BIS) për të burgosurit e rrezikshëm.

“Regjimi i posaçëm ka një rëndësi të jashtëzakonshme pasi për herë të parë ndërpritet efektivisht komunikimi ndërmjet të burgosurve dhe anëtarëve të tjerë në liri duke ndërprerë zinxhirin komandues te këto organizata kriminale. Regjimi i posaçëm është tashmë realitet dhe atij i janë nënshtruar 7 persona”-tha ministrja.

Kjo risi ligjore përmirëson ndjeshëm mjetet në dispozicion të institucioneve penitenciare për të garantuar rendin, sigurinë dhe mbarëvajtjen e jetesës në institucion.

Ministrja vlerësoi bashkëpunimin me partnerët ndërkombëtarë dhe vendorë, sepse sipas saj, ishte shumë me rëndësi për këtë arritje domethënëse në reformën në sistemin e burgjeve, ku përfshihen gjithashtu ndryshime rrënjësore në rekrutimin, karrierën, shpërblimin financiar të Policisë së Burgjeve, përmirësimit të infrastrukturës, mjeteve logjistike për sigurinë, kushtet dhe trajtimin më të mirë të të dënuarve, përfshi programin e punësimit të tyre.

Për herë të parë në histori në vitin 2018 u hartua Plani i Veprimit për Zhvillimin e Sistemit të Burgjeve në Shqipëri 2019-2022.

Me mbështetjen e partnerëve ndërkombëtarë Këshilli i Evropës, ambasada britanike në Tiranë, Plani i Veprimit u konceptua si dokument strategjik për të shërbyer si udhëzues për ndërmarrjen e masave konkrete që synojnë zhvillimin, zbatimin dhe monitorimin e mëtejshëm të aktiviteteve të nevojshme për reformën në sistemin e burgjeve dhe do të jetë pjesë e politikës së përgjithshme strategjike të zhvillimit të sistemit penitenciar në Shqipëri.

Tashmë në marrëveshje me ministrinë e Brendshme, i gjithë procesi i rekrutimit të Policisë së Burgjeve bëhet në bashkëpunim me Akademinë e Sigurisë.  Gjithashtu edhe procesi i rekrutimit të trupës drejtuese bëhet nëpërmjet konkurseve të hapura, meritokratike dhe transparente duke përfshirë edhe teknologjinë sipas sistemit skantron, për  të garantuar meritokraci dhe kapacitete të rritura profesionalisht të të stafeve në burgje.

Po ashtu rritja e pagave me miratimin e ligjit të ri deri në barazimin me pagën e Policisë së Shtetit në vlerën totale 305.6 ml të llogaritura në PBA 2020-2022.

Barazia e pagës të Policisë së Burgjeve është e një rëndësie të veçantë, duke patur parasysh faktin se kjo polici kalon 1/3 e jetës në një regjim të mbyllur.

Ministrja theksoi se i është dhënë fund praktikës së transferimeve sa më larg familjes së punonjësve të Policisë së Burgjeve.

Nëpërmjet një urdhri rreth 150 punonjës të Policisë së Burgjeve që ishin transferuar më shumë se 45 km. larg nga vendbanimit janë sistemuar sa më pranë familjeve.

Në investimet e derimëtashme theksohen në katër vjet përmirësimi i kushteve dhe trajtimit të personave të dënuar;

Ndërtimi dhe mobilimi i plotë i dy godinave në IEVP 313 (Jordan Misja), ku janë edhe ambientet e 41 BIS;

Rehabilitimi i plotë i Spitalit të burgjeve, pas 20 vitesh;

Vendosja në funksion e burgut të ri të Shkodrës, një bashkëfinancim i

Qeverisë Shqiptare  (4 mln Euro) me BE 14.37  mln Euro (2019);

Rikonstruksioni i plotë i ambienteve të Drejtorisë së Përgjithshme të Burgjeve, dhe Qendrës së Trajnimit;

Përmirësimi i flotës së automjeteve të reja auto burgje dhe autoambulanca;

Përfundoi faza e parë e rikonstruksionit të dy godinave për të sëmurët me “mjekim të detyruar” në burgun Lezhë, dhe ka filluar faza e dytë për vënien në funksion të tyre;

Blerja e pajisjeve mjekësore për sistemin e burgjeve;

Po shkon drejt realizimit investimi në godinën e vjetër të Pojskës, si institucion për të moshuarit e dënuar;

Blerje e pajisjeve të kontrollit si: Skaner, Detektor, Ura kontrolli, etj.;

Prej vitit 2018 është vënë në efiçencë të plotë laboratori kliniko-biokimik në spitalin e burgut për realizimin e analizave laboratorike të burgosurve;

Krijimi i sistemit Upgrade për zyrën e gjendjes gjyqësore, duke mundësuar nxjerrjen online nga portali E-Albania;

Në tryezën e e zhvilluar në ministrinë e Drejtësisë morën pjesë titullarët e burgjeve përfshi drejtorin e Përgjithshëm, Agim Ismaili, ambasadorin britanik Duncan Norman, Shefen e Zyrës së Këshillit të Europës në Tiranë, Jutta Gützkoë, Drejtori për  Çështjet Ndërkombëtare të Narkotikëve dhe Zbatimit të Ligjit në ambasadën amerikane në Tiranë, Benjamin A. Rockëell dhe zëvendësambasadorja e OSBE-së, Clarisse Pasztory.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Superkupa e Italisë nuk ndryshon format, zhvillohet sërish në Arabinë Saudite

Superkupa e Italisë nuk ndryshon format, zhvillohet sërish në Arabinë Saudite