'Shqipja është e rrezikuar', mësuesja e gjuhës: Telenovelat turke po e dëmtojnë më shumë

Sot është Dita Ndërkombëtare e Gjuhëve Amtare. 21 shkurti na kujton edhe se sa rrezikohet gjuha shqipe, sidomos nga hyrja e shumë fjalëve të huaja. Eralda Bejleri, mësuese e gjuhës shqipe foli për këtë problematikë në “Sot Live në Shqipëri” në Report TV.

Ajo u shpreh se 30-vjeçari i tranzicionit ka degraduar përdorimin e gjuhës shqipe në të gjitha nivelet. Kjo ka sjellë një rrezik shumë të madh sipas saj dhe kjo ka ardhur edhe prej hapjes së shqiptarëve me botën.

“Ne flasim shqip, por jo të gjithë dimë të flasim shqip. Nga problematika të ndryshme të ndodhura, jo vetëm këto vite por edhe në 30 vite tranzicion në lëvizje të ndryshme gjeografike në lëvizje të ndryshme jashtë vendit, në futjen e gjuhëve të huaja për arsyen e punësimit jashtë. Për këtë arsye kemi arritur në këtë gjendje që jemi sot, që jemi pak në degradim. Është e rrezikuar goxha. Shqiptarët kanë prirje, duke punuar jashtë të mësojnë gjuhë të huaja. Dhe normalisht iu vjen më lirshëm të flasinë në gjuhë të huaj se sa në shqip. Po ashtu dëshira për t’u hapur me botën, për t’u dukur njerëz të emancipuar, njerëz të kulturuar, duke folur në gjuhë të huaj ti e tregon këtë gjë”, tha Bejleri.

LEXO EDHE:
Sulmet e Metës ndaj SPAK, Lapardhaja: Diçka ka ndjerë! Nëse është çmendur aq më keq për të

Bejleri shton se është injorancë e madhe edhe kur shumë shqiptarë emigrantë të cilët kthehen për pushime në vend përdorin gjuhën italiane kur komunikojnë apo angleze.

“Nëse kemi një nga tre simbolet kombëtare gjuhën dhe nuk i japim atë rëndësi që duhet, normalisht që kush do të repsektojë nëse ti nuk respekton identitetin tënd kombëtar. Duhet pununar drejt promovimit të folurit shqip. Është një injorancë shumë e madhe të dëgjojë teksa vijnë shqiptarë që janë të emigruar jashtë, vijnë të zgjedhin të bëjnë pushimet në Shqipëri dhe i dëgjoj të flasin italisht, të flasin anglisht. Për mua nuk tregon kulturë, nuk tregon emancipim,” shton ajo.

Shkak tjetër, sipas Bejlerit janë edhe filmat të cilat kanë transformuar gjuhën shqipe, sidomos telenovelat turke.

“Duke ndjekur telenovelat turke do të vazhdojmë ta thellojmë këtë gjë. Jo vetëm telenovelat, por dua të them se duke dëgjuar sa më shumë , duke parë telenovela në turqisht ti je duke vjelur fjalë turke. I ke të përhapura në televizione gjithandej. Por harrojmë se për 600 vite i kishim këtu dhe tani i dëgjojmë përmes telenovelave.

Për mua globalizmi nuk duhet futur tek gjuha. Gjuha duhet të jetë e pastër, e paprekur. E kanë vendosur rilindasit, atdhetarët, patriotët që në krye të herës e kanë ngritur këtë alfabet që përdorim,” u shpreh Bejleri.

G.K/E.H/Shqiptarja.com

TAG:
• gjuha shqipe
• Eralda Bejleri
• Sot Live në Shqipëri