Gjykata Gjermane 100 mijë Euro
gjobë Flori Mumajesit

100 000 Euro është shuma të cilën ka detyrë të paguajë këngëtari Flori Mumajesi pas dy deklaratave të gabuara të bëra ndaj kompanisë muzikore “Acromax”.

Nëse ai  vazhdon me akuzat e tij të gabuara ndaj kompanisë muzikore “Acromax” do të jetë i detyruar të paguajë edhe 250 000 euro të tjera ose në rast të kundërt do të kryejë burg.

Ky ka qenë vendimi i marë ditën e djeshme nga Gjykata e Landit te Aachenit ne Gjermani, pas ankesave që Flori Mumajesi ngriti në lidhje me këngën “Qaj” dhe këngën “I Wanna Bring It Up” kundra Arkiva Shqip.



Ai deklaroi në mënyrë të gabuar kundër kompanisë “Google/You Tube që ato materiale kanë shkelur të drejtat e tij.

Vendimi i sipërpërmendur është marë nga tre gjyqatarë, të cilët kanë ndjekur këtë çështje.

Gjykata ka marrë si bazë kontratën që Flori ka nënshkruar me kompaninë “Acromax” për dy veprat që ja ka licencuar kompanisë Acromax deri më datë 19.01.2014.

Nga ana tjetër avokatët e Florit nuk e kanë refuzuar marjen e vendimit dhe kanë argumentuar se nuk do të përfaqësojnë atë për këtë çështje.

Arsyeja mbetet ende për tu sqaruar.



Në lidhje me këtë çështje një debat i madh u publik u zhvillua në rrjetet sociale dhe media të ndryshme prej më shumë se dy javësh.

Kjo lindi si rezultat i mosmarrëveshjeve mes këngëtarit Flori Mumajesi dhe kompanisë së madhe muzikore “Acromax”.

Një javë më parë ishte këngëtari Mumajesi i cili hodhi në gjyq kompaninë “Acromax GmbH” për cënimin e të drejtave autoriale për shfrytëzimin e veprave muzikore, të dy këngëtarëve shqiptar, Elvana Gjatës dhe 2po2

Ndërsa tanimë vjen reagimi i Acromax në lidhje me të gjitha akuzat e këngëtarit.



Redaksia online
(Blerta Tusha/shqiptarja.com)