TIRANE-Sot u zhvillua seanca paraprake në gjykatën e Krimeve të Rënda lidhur me procesin në ngarkim të ish-deputetit socialist dhe ish-drejtor i Burgjeve Arben Çuko. Në përfundim gjykata vendosi të kthejë cështjen për plotësim hetimesh duke i konsideruar ato të deritanishme të paplota dhe me mangësi në drejtim të provave.
Ish-drejtor i Përgjithshëm i Burgjeve akuzohet për kryerjen e veprës penale “Korrupsioni pasiv i funksionarëve të lartë shtetërorë ose i të zgjedhurve vendorë”. Arben Çuko ra në prangat e policisë në kuadër të operacionit "VOL-VO4" në 18 tetor të vitit të kaluar. Emri i ti tij doli në përgjimet e grupit Avdylaj.
Çuko akuzohet se në kohën kur ka qenë në krye të Drejtorisë së Burgjeve ka miratuar transferimin e të dënuarit Olsi Karagjozi kundrejt ryshfetit 3.000 euro. Aktualisht Çuko ndodhet në arrest shtëpie Bashkë me të në gjyq janë edhe Qerim Musha, Olsi Karagjozi, Artur Balla dhe Denis Llaftiu.
Akuzat e prokurorisë për Çukon dhe të tjerët
1. Arben Çuko (Ish Drejtor i Përgjithshëm i Burgjeve), akuzuar për kryerjen e veprës penale “Korrupsioni pasiv i funksionarëve të lartë shtetërorë ose i të zgjedhurve vendorë", parashikuar nga neni 260 i Kodit Penal.
2. Qerim Musha, akuzuar për veprën penale “Korrupsioni aktiv i funksionarëve të lartë shtetërorë ose i të zgjedhurve vendorë", në bashkëpunim, parashikuar nga neni 245, 25 i Kodit Penal.
3. Olsi Karagjozi, person që po vuan një dënim të mëparshëm, i akuzuar për veprën penale “Korrupsioni aktiv i funksionarëve të lartë shtetërorë ose i të zgjedhurve vendorë", në bashkëpunim, parashikuar nga neni 245, 25 i Kodit Penal.
4. Artur Balla, i akuzuar për veprën penale “Korrupsioni aktiv i funksionarëve të lartë shtetërorë ose i të zgjedhurve vendorë", në bashkëpunim, parashikuar nga neni 245, 25 i Kodit Penal.
5. Denis Llaftiu, i akuzuar për veprën penale “Korrupsioni aktiv i funksionarëve të lartë shtetërorë ose i të zgjedhurve vendorë", në bashkëpunim, parashikuar nga neni 245, 25 iKodit Penal, ka rezultuar se:
Rrethanat e faktit:
Prokuroria pranë Gjykatës së Shkallës së Parë për Krime të Rënda, mbi bazën e akteve të referuara nga Shërbimet e Policisë Gjyqësore të Komisariatit të Policisë Kavajë, me datë 28.12.2016, ka regjistruar procedimin penal me nr.339 të vitit 2016, për kryerjen e veprave penale “Prodhimi dhe shitja e narkotikëve”, “Trafikimi i narkotikëve“, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal” parashikuar nga nenet 283, 283/a, 333/a dhe 334 i K.Penal,
Nga hetimet proaktive të kryera me metoda speciale të hetimit, si përgjimet telefonike, ambientale dhe vëzhgime, ka rezultuar se një grup personash, banorë të qyteteve të ndryshme të vendit, vepronin në formën e veçantë të bashkëpunimit në kuadër të grupit të strukturuar kriminal, me qëllim kryerjen e veprave penale të prodhimit dhe shitjes së narkotikëve, trafikimit të narkotikëve nga Shqipëria në drejtim të shteteve të Bashkimit Evropian.
Si rezultat i përdorimit të këtyre metodave të hetimit, nga përgjimi i bisedave telefonike të të pandehurve Arben Çuko, Artur Balla, Qerim Musha, Olsi Karagjozi, Denis Llaftiu, është dokumentuar veprimtaria e kundraligjshme e këtyre personave, të cilët kundrejt dhënies dhe përfitimit të paligjshëm në vlera monetare dhe materiale, kanë realizuar transferimin e të dënuarit Olsi Karagjozi nga vendi i vuajtjes së dënimit në IEVP Burrel, në një vend tjetër vuajtje dënimi, sipas preferencës së vetë të dënuarit, në IEVP Fier.
Sqarojmë se më parë, po në kuadër të hetimeve për procedimin penal nr.339 të vitit 2016, është paraqitur kërkesa për gjykim të 12 të pandehurve të tjërë dhe ndodhen për gjykim në Gjykatën e Shkallës së Parë për Krime të Rënda Tiranë, akuzuar për veprat penale“ Prodhimi dhe shitja e narkotikëve”, në bashkëpunim, “ Grupi i strukturuar kriminal”, “Kryerja e veprave penale nga organizata kriminale dhe grupi i strukturuar kriminal”, parashikuara nga nenet 283/2, 333/a dhe 334 të Kodit Penal.
Hetimet vazhdojnë për evidentimin e secilit fakt penal të rezultuar gjatë hetimit të kësaj çështjeje dhe për autorët e veprës penale
Komente
Lajme të tjera
-
Irani sulmoi Izraelin, eksperti zbërthen skemën: Dolën të kënaqur të dyja! Shqetësim mbetet koalicioni i vendeve anti-perëndimore
16 Prill, 15:45 -
Rusi-Nato pranë konfliktit, eksperti i sigurisë: U lumturova kur kryeministri tha se do rindërtohet industria e luftës
5 Prill, 13:34 -
Dy satelitët e Shqipërisë, ish deputeti i PS: Mund të ngrihet qendër kontrolli në ministri! Kultivuesit e drogës do mendohen mirë para se ta mbjellin
4 Janar 2023, 13:07 -
Mori flakë në ecje e sipër, digjet pjesërisht makina në Gjirokastër! Nuk ka të dëmtuar
20 Shtator 2022, 17:44 -
Rama drejt Kievit, ekspertja Voda: Me mbështetjen e Ukrainës, Shqipëria në anën e duhur të historisë
14 Qershor 2022, 22:30 -
Lufta në Ukrainë/ Çuko: Të rikthehet shërbimi i detyrueshëm ushtarak! Malko: Duhet strategji e re mbrojtjeje! Krashi: Temë për Këshillimin Kombëtar
28 Prill 2022, 22:53 -
Ishte në kërkim ndërkombëtar, arrestohet Saimir Gjepali, do ekstradohet në Itali! Kush është 34-vjeçari pjesë e grupit të Avdylajve që ndezën revoltën në burgun e 313
28 Janar 2022, 13:32 -
Laboratori i heroinës në Has, SPAK jep pretencën për grupin e Astrit Avdylit! Kërkohet 55 vite burg gjithsej
3 Dhjetor 2021, 16:40
-
Ekskluzive/ Skandal në drejtësi, lirohet nga qelia 'koka' e grupit të Avdylajve dhe 3 të hetuar në dosjen 339, shkak kalimi i afateve të paraburgimit
26 Korrik 2021, 22:33
-
'Shfryhet 'VOL-VO 4", Prokuroria s'gjen prova, pushon çështjen për ish-deputetin e PS! Ndoka: Dirigjent i dosjeve 184 dhe 339 ato që duan të bëhen kryeministër
1 Prill 2021, 10:19
-
'VOL-VO4' shkon për gjykim, shtyhet seanca e parë për 14 të pandehur, mes tyre dhe grupi Avdylaj! Përcaktohet trupa gjykuese
14 Shtator 2020, 12:05 -
Pesë muaj pasi mbylli çështjen, gjykata i kthen ish-deputetit socialist celularin
20 Korrik 2020, 12:42
Mire ja bene ketij e ka ne gjak korrupsionin ky delenxhi. Shkollon dhe femijet jashte shtetit per te qare hallin eshte. Le te filloj drejtesia nga ky dallaveraxhi.
PërgjigjuEshte pre e situatave politike.Nuk ka njeri me te paster se ai.Mos e shperdoroni personalitetin e tij kot.
PërgjigjuDuket qarte qe arrestimi i Arben Cukos eshte bere pa prova. Eshte bere me teper si fasad e qeverise per lufte ndaj korrupsionit. Ose si prove e prokurorise qe jane apolitike. Arben Cuko nuk do ta shkembente kurre karrieren si ushtarak dhe politikan, as personalitetin dhe dinjitetin e tij, me cfare do lloje kompesimi material apo monetar. Ai eshte dhe do mbetet njeri me edukat dhe moral te larte. E njoh qe nga femijeria.
Përgjigju