SHBA i refuzoi vizën/ Gjyqtari Laze në Vetting, shtyhet seanca, avokati: Të përjashtohet trupi gjykues

TIRANE-Sot ka dalë para Komisionit të Pavarur të Kualifikimit (Vettingu) gjyqtari Artan Laze. Ai është njëri nga gjyqtarët që Ambasada e SHBA i ka refuzuar vizën, ndërsa seanca është shtyrë për në datë 2 korrik, pas kërkesës së avokatit për të ndryshuar trupën gjyqësore.

Gjyqtari i Tiranës ishte i pranishëm në seancë, ndërsa u mbrojt edhe nga avokati Sokol Hazizaj. Trupa gjyqësore përbëhej nga; Brunilda Bekteshi, Lulzim Hamitaj dhe Olsi Komici. Shkak i shtyrjes së seancës dhe kërkesës se avokatit për përjashtimin e trupës ishte fakti se Komisioni kishte vendosur që Vettingu  të bëhej vetëm për pasurinë, duke përjashtuar anën profesionale dhe morale.

Avokati Hazizaj kërkoi që vettingu të bëhet tre dimensional. “Hetimi i Vettingut është tredimensional. Është në kundërshtim me ligjin, kërkesa ime procedurale është të përfshihen të tre komponentët. Ju jeni të njëanshëm” tha Hazizaj.  Laze nuk pati asnjë reagim, ndërsa pas mbylljes së seancës, avokati shtoi se KPK duhet të marrë vendim bazuar në fakte dhe procesi duhet të jetë i rregullt.

LEXO EDHE:
Drejtësia në Shqipëri, gazetarja: Mbi 38 mijë çështje në Gjykatën e Apelit, vetëm 26 gjyqtarë! Beci: Duhen shumë vite të rikthehet në normalitet

‘KPK të marrë vendim bazuar në fakte. Cdo vendim i KPK duhej domosdoshmërisht ta njihte subjektin për vlerësimin tre dimensional të tij.  Jam interesuar që procesi të jetë i rregullt, të bazohet në ligj’ tha avokati Hazizaj. Tashmë në datë 2 korrik do të vendoset nëse do të pranohet kërkesa e avokatit për të përjashtuar trupën gjykuese.

TAG:
• vettingu
• sokol hazizaj
• Artan Laze

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.7%

• Të gabuar

  83.6%

• Nuk e di

  4.7%

Vota total: 5425

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di