TIRANË- Organet e Vetingut do të vijojnë seancat dëgjimore me gjyqtarët dhe prokurorët, për t’i njohur me rezultatet e hetimit, pavarësisht tërmetit shkatërrues të së martës, i cili la pas 51 viktima, qindra të plagosur dhe mijëra banesa të shkatërruara. Mesditën e sotme, para Komisionit të Pavarur të Kualifikimit doli gjyqtarja e Krimeve të Rënda, Iliriana Olldashi, për t’u njohur me rezultatet e verifikimit për ligjshmërinë e pasurisë, pastërtinë e figurës dhe aftësitë profesionale. Dosja e gjyqtares, e cila është edhe kandidate potenciale për t’u bërë pjesë e Gjykatës Speciale, po shqyrtohet nga trupa gjykuese e përbërë nga Etleda Çiftja, Pamela Qirko dhe Xhensila Pine.
Në vitin 2016, gjyqtarja Iliriana Olldashi ka firmosur vendimin për caktimin e masës së sigurisë në mungesë ‘arrest me burg’, për Klemend Balilin, i ashtuquajturi ‘Eskobari i Ballakanit’. Në atë kohë Balili ishte në arrati. Ndërkaq, në korrik të vitit 2018, gjyqtarja liroi nga burgu ish-drejtuesi i ARRSH-së dhe funksionarin e LSI Dashamir Xhika, i akuzuar për “korrupsion” dhe “shpërdorim detyre” gjatë ndërtimit të aksit Tiranë-Elbasan. Në 2017, gjyqtarja ka liruar nga burgu për shkak të gjendjes së rëndë psikologjike 19-vjeçaren Elda Tanushi, e cila kishte tentuar të helmonte vjehrrën. Gjyqtarja ka deklaruar pasuri modeste ndër vite, por megjithatë mund edhe të rrezikohet nga 1 milionë lekë ose rreth 9 mijë USD, që i kanë falur prindërit. Në vitin 2006 gjyqtarja ka blerë një apartament me vlerë 55 mijë euro. 5 000 000 lekë ka marrë kredi, ndërsa 1 milionë lekë hua nga prindërit. Kredinë e ka marrë me 3 % deri në vitin 2031. Në vitin 2016 deklaron se prindërit ia kanë falur këtë shumë. Ndërkaq, në vitin 2015 blenë një apartament tjetër me vlerë 66 mijë euro me sipërfaqe 91.6 m2 në Tiranë.
Po gjatë ditës së sotme, para Komisionit të Vetingut doli edhe prokurorja pranë Prokurorisë së Krimeve të Rënda, Doloreza Musabelliu, kandidate për Prokurorinë e Posaçme. Musabelliu konsiderohet si ‘gruaja e hekurt’ e SPAK-ut për shkak të dosjeve që ka çuar në gjykatë, hetimit për herë të parë të Emiljano Shullazit dhe të pasurisë modeste, vetëm pagën si prokurore.
(Kliko këtu për të lexuar deklaratën e pasurisë të Iliriana Olldashi)
Komente
Lajme të tjera
-
SPAK kërkoi përjashtimin e Ilirjana Olldashit nga ankimi i Malltezit për pasuritë, GJKKO e rrëzon
24 Nëntor 2023, 10:49 -
Afera Partizani/ Apeli i GJKKO-së s'ndryshon masën e sigurisë për Berishën e Malltezin, lë në fuqi sekuestron e pasurive! SPAK kërkoi përjashtimin e gjyqtares
24 Nëntor 2023, 09:22
-
Lirimi i Malltezit, Gjikondi: Pas apartamentit, skandalin e thellon miqësia e gjyqtares me Argitën! Gënjeu Vetingun, tha s’kam lidhje me Homeplan! KLGJ paragjykon të vërtetën
23 Nëntor 2023, 17:37 -
Frrok Çupi: Të ishim të gjithë Iliriana Olldashi!
23 Nëntor 2023, 16:51
-
Gjyqtarja që nxori nga burgu Malltezin shtëpi te kullat e tij, KLGJ nuk përgënjeshtron konfliktin e interesit! Në vend të Iliriana Olldashit kritikon mediet që e kanë demaskuar
22 Nëntor 2023, 21:03 -
Nxori nga qelia Jamarbër Malltezin, Report Tv zbuloi konfliktin e interesit të gjykatëses së Apelit të GJKKO-së! SPAK rekurs vendimit në Gjykatën e Lartë
22 Nëntor 2023, 11:25
-
EKSKLUZIVE/ Gjykatësja që nxori nga burgu Jamarbër Malltezin në konflikt interesi! Ka blerë shtëpi nga ai në kullat e ish Klubit Partizani
21 Nëntor 2023, 22:27
-
7 anëtarë dhe kryetari kërkojnë të braktisin Gjykatën e Posaçme, për të shkuar në Gjykatën e Lartë! Kush do t’i gjykojë dosjet e SPAK?
13 Gusht 2020, 16:19
Hiqeni pleren beni pastrim renjesor.
Përgjigju