Atletico Madrid dhe Barcelona do përballen këtë të mërkurë në orën 21:30 në gjysmëfinalen e kthimit për Kupën e Mbretit në Spanjë. Sfida e parë mes tyre përfundoi 4-4 dhe pritet që spektakli këtë herë të zhvendoset në ‘Metropolitano’.

Trajneri i Barçës, Hansi Flick foli para sfidës dhe tregoi respekt maksimal për rivalët dhe trajnerin Diego Simeone.

"Kupa e Mbretit është trofeu që Atletico Madrid është më afër; një ndeshje dhe ata janë në finale. Njësoj si ne. Ata kanë një trajner me përvojë dhe janë një ekip që di të marrë rezultate.

Në La Liga, ata janë më larg nesh. Trajneri i tyre është një nga menaxherët më të suksesshëm dhe di gjithçka për futbollin. Atletico luan gjithmonë në mënyrë agresive dhe me intensitet, asgjë nuk ndryshon.

Ata kanë stilin e tyre. Unë e dua atë. Ata luajnë me shpejtësi, ritëm… Më pëlqen stili i tyre i lojës”, deklaroi Flick.

Pritet që këtë mbrëmje e gjithë vëmendja e tifozëve të jetë në ‘Metropolitano’. Ekipi fitues në këtë përballje do gjejë në finale Real Madridin.