POP 5

Lajmet më të lexuara të 5 minutave të fundit

Kultura

“Goca e Kaçanikut” rikthehet në skenën e TKOB pas 45 vitesh

Një histori dashurie, trimërie dhe lirie, e bazuar në novelën e Milto Sotir Guros dhe e sjellë në jetë me regjinë e Nikolin Gurakuqi, opera “Goca e Kacanikut” vjen pas 45 vitesh premierë në Teatrin Kombëtar të Operës dhe Baletit për Festën e Flamurit.

Pas 45 vitesh rikthehet në skenën e Teatrit të Operas dhe Baletit, “Goca e Kaçanikut”, e kompozuar nga Rauf Dhomi. Debutimin e parë ajo e pati në 1979 dhe rivjen Tiranë në muajin e festave.

Kompozimi bazohet në novelën e parë historike të letërsisë shqipe ‘Goca e Kaçanikut’ të Milto Sotir Guro. Ajo u shkrua një vit pas betejës së famshme të Kaçanikut, ku nga një betejë burrash, Gurra zgjodhi një vajzë të butë e të bukur: Pafikën duke sjellë një histori dashurie, trimërie dhe rezistence për liri. Opera u ngjit në skenë nën regjinë e Nikolin Gurakuqit.

“Unë e njoha këtë vepër, që në zanafillën e saj kur u shfaq në Tiranë. Unë kam qenë një djalosh 22 vjeçar dhe kam marrë pjesë si një korist i thjeshtë. Unë, një vepër që e dua, zhytem në të dhe e kam dashur që atëherë. Kjo dashuri tani m’u shtua.”, - thotë Gurakuqi.

Ndërsa drejtoresha e TKOB, Abiegeila Voshtina vlerëson bashkëpunimin mes artistëve.

“Ky është bashkëpunim midis disa këngëtarëve, dikush nga Trieste, (i cili është pjesë kryesore e stafit), Hektor Leka, këngëtar i cili ka rrënjët e veta këtu në teatër. Mamaja e tij ka qenë dirigjente e parë e korit. Forca, dëshira dhe investimi i Kosovës kanë arritur të sjellin një shfaqje dinjitoze.”, - thotë ajo.

"Goca e Kaçanikut" është opera e parë në Kosovë dhe në shkurt u shfaq premierë në Prishtinë. Ky produksion mes Shqipërisë dhe Kosovës vjen në Javën Kulturore Kombëtare si homazh për Festën e Flamurit, nën dirigjimin e maestros Edon Ramadani.

B.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Abuzime me fondet e BE/ Drejtoresha e SASPAC: Po bëjmë audit, partnerët do njihen me analizën! PS: Flet drejtësia! PD: e turpshme

Abuzime me fondet e BE/ Drejtoresha e SASPAC: Po bëjmë audit, partnerët do njihen me analizën! PS: Flet drejtësia! PD: e turpshme

26 Nëntor, 16:30 nga Danjela Maloku