Gola, spektakël, frikë dhe shi, kështu mund të përshkruhet fitorja 4-5 e Manchester Cityt në Londër kundër Fulham, sfidë kjo e vlefshme për raundin e 14-të të Premier League.

Mbrëmjen e të martës, nën rebeshin e Londrës vendasit e Fulham mund të dilnin me një pikë, por 'Qytetarët' shmangën turpin. Djemtë e Pep Guardiolës e nisën ndeshjen shpejt, por Haaland u ndal nga shtylla. Më pas norvegjezi nuk gaboi dhe shënoi golin e parë në minutën e 17-të. Sërish City e dërgoi rezultatin në 0-3 me golat e Reijnders dhe Foden. Në fundin e pjesës së parë Smith Rowe shkurtoi shifrat për 1-3.

Në fraksionin e dytë sërish City gjeti edhe dy gola të tjerë me Foden dhe autogolin e Berge, për rezultatin 1-5. Kur u duk se sfida ishte e mbyllur, Iwobi dhe dy herë Chukwueze e dërguan rezultatin në 4-5 dhe 12 minutat e mbetura të sfidës ishin për ata me zemër të fortë.

Në fund City fitoi 4-5, por Fulham u kujdes që të ngushtonte rezultatin dhe të mbetej në lojë deri në sekondën e fundit. Pas javës së 14-të, City me 28 pikë mbetet në pozitën e dytë, ndërsa Fulham me 17 pikë në vendin e 15-të të klasifikimit.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera