POP 5

Lajmet më të lexuara të 5 minutave të fundit

Kronikë

6 persona grabisin shtëpinë në Maqellarë dhe rrahin çiftin/ Dëshmia: Morën ça kishim, gruas i kanë thyer dy brinjë dhe gishtin

Grabitet për 5 minuta banesa e çiftit në Maqellarë. Gruaja tenton t'u heq hajdutëve kapuçin, por e rrahin. Grabitësit kanë arritur që të marin florinjë dhe lekë. 

MAQELLARË- Një grabitje me dhunë është regjistruar mbrëmjen e djeshme në shtëpinë e çiftit Dulja, ku autorët kanë arritur të marrin disa bizhuteri floriri dhe një sasi lekësh. Gjithë skema ka ndodhur për 5 minuta, ku duke shfrytëzuar faktin se çifti ka fëmijët jashtë shtetit dhe kanë qenë të vetëm, 6 të rinj u kanë shkuar në shtëpi për të marrë sendet me vlerë. Autorët ende të paidentifikuar, pasi kanë hasur rezistencën e çifitit i kanë dhunuar, ku gruas i kanë thyer gishtit dhe dy brinjë, pasi kjo e fundit tentoi që t'i hiqte kapuçin një prej grabitësve. Kryefamiljari, Rrahman Dulja rrëfen të gjithë atë se çfarë ndodhi gjatë atyre pesë minutave.

"Ishte ora 11: 00 duke pare televizor, trokit dera e shtëpisë. Dolëm te dera, bërtisnin hapni derën dhe ne nuk e hapëm. Ia futi një emër koti, e dëgjova në zë që nuk është ai emër, se s'kishte lidhje me mua ai më dhe filluan t'i binin derës me shkelma. Ishin 5-6 veta, dera u hap, u futën brenda, dy kapën gruan, dy mua dhe të tjerët kontrolluan në shpi, na rrahën se ne bëmë një çfarë rezistence se të futet njeriu në shpi, unë i rashë atij, ai mua. Morën ça kishin për të marrë dhe ikën. Bashkëshortes i kanë thyer dy brinjë dhe gishtin. Nuk e dimë sa kanë marrë, disa varëse, byzylykë të gruas dhe vajzave. Erdhi policia, i morëm me celularin e komshijes", tregon i zoti  i shtëpisë, Rrahman Dulja.

Referuar burimeve zyrtare nga policia e Peshkopisë, 200 m larg vendit të ngjarjes është gjetur një makinë, e cila u përkiste grabitësve e ndërsa janë gjetur edhe ky kuti të bizhuterive boshe. Çifti nuk ka dyshime për persona të caktuar, por kërkojnë nga autoritetet që të zbardhet sa më shpejt ngjarja.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 24/02/2020 15:13

    Fshatarë

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

27 Janar, 20:22