Grabitja në Zall Herr/ Dëshmia e vajzës: Donin ta vrisnin babanë, por kallashi u bllokua kur po i fusnin fishekët (VIDEO)

Dëshmia e vajzës së çiftit Zeja dhe dritë mbi grabitjen e ndodhur mbrëmjen e djeshme ku autorët të maskuar si policë arritën të marrin 40 mijë lekë. Sipas saj, babai ka shpëtuar për mrekulli, pasi autorët kishin synim ta vrisnin, por kallashi u bllokua.

“Babin e shtrinë përtokë sa hapi derën, pasi ata kërkuan ta hapnim derën se ishte bërë një denoncim sikur ne kishim qëlluar me armë. Kur kam hapur derën e dhomës e kam parë vëllanë kur e shtrijnë në tokë, e bashkojnë me babin në katin e parë pastaj. Mua më mbajtën në katin e dytë bashkë me djalin. Ishte një person më i gjatë dhe më i dobët ai që më ruante mua. Mua nuk më kanë prekur se isha me djalin. Ata i bënin thirrje babit të tregonte armën, ai i tha të kontrollojnë se nuk kishte armë. Personi që ishte lart i thotë vrite babin, por ai poshtë e kishte pas kallashin të mbushur dhe kur tenton t’i fusë përsëri fishekë i bllokohet”,- tregon ajo.

Lajmi kryesor:

'Policia, hapni derën'...Grabitet banesa në Zall Herr, autorët lidhin 3 anëtarë të familjes! Vajza: Donin ta vrisnin babanë, po iu bllokua kallashi

B.K./r.k./Shqiptarja.com

TAG:
• grabitje me arme
• zall herr