Më datë 3 dhjetor 2015, Fatjon Xhyliu ka qenë tek oborri i kompanisë “Ro-gat Security”, kur ka dërguar shoferin e blindit duke thënë “...kush do të vijë me mua sot në Rinas...”.

Ora ka qenë rreth 12 e paradites. Pasi ka marrë vesh për rrugën që ishte gati të behej, Fation Xhyliu i ka nisur mesazhin Neim Avdulajt duke i shkruar “...makina po del tani prej parkut...”.

Ndërkohë Ditjon Memlikaj ka qenë në një detyrë tjetër brenda në Tiranë, duke lëvizur me ngarkesën e një banke tjetër. Pas nisjes së mesazhit Xhyliu ka fikur telefonin dhe ka shkuar të luajë letra me shokët.

Rreth orës 14:00 të kësaj date, përgjegjësi i grupit i ka thënë të merrnin pajimet dhe të shkonin me të, pa i lajmëruar se çfarë kishte ndodhur pasi ka shkuar në Qafë Kashar Xhyliu mësoi që vjedhja ishte mundur të realizohej dhe personat ishin larguar me paratë e marra nga blindi.

Rreth mesit të muajit Dhjetor 2015, ora 06:00, shtetasi Fation Xhyliu është kontaktuar prej Neim Avdulajt në telefonin e tij dhe ai i ka thënë “kam ardhur te shtëpia jote në fshat në Lushnjë, a ta marr një pulë këtu tek shtëpia jote”.
 
Redaksia Online
Al.N/Shqiptarja.com