Nis loja në rrjet! 'Grabitësit e Rinasit tregojnë ku i kanë groposur paratë'

Për të pasur sa më shumë ndjekjes në rrjetet sociale, njerëzit gjejnë mënyra nga më të ndryshmet. Shumica prej të cilave abuzive. E shpesh, për të rritur numrin e ndjekësve (followers) në Instagram, shfrytëzohen ngjarjet e bujshme që kanë prekur opinionin publik në momente të caktuara. Kështu ka bërë edhe nëj person, i cili ka zgjedhur të "godasë" me një nga ngjarjes që po mban ende mbërthyer opinionin publik. Bëhet fjalë për grabitjen e ndodhur më 9 prill në aeroportin e Rinasit, ku në mes të pistës u grabitën miliona euro.

Ndërsa mbeti i vrarë gjatë shkëmbimit me policinë njëri prej grabitësve që dyshohet të ketë qenë edhe kreu i grupit, Admir Murataj, asgjë tjetër nuk dihet saktësisht publikisht, pasi policia dhe prokuroria për shkak të hetimeve janë treguar të rezervuara. Pyetja më e madhe është se ku janë paratë, e në rast të arrestimit të bashkëpunëtorëve në grabitje, a do të mund të gjenden edhe paratë e grabitura? Këtë mister ka shfrytëzuar një person i cili ka hapur në Instagram një profil me emrin "grabitësit e Rinasit", duke shtuar edhe detajin: Lekët i kam groposur në Babrru.

Personi që fshihet pas këtij profili, ka ditur edhe të "peshkojë" personat që mund t'i bëjnë follow, duke ndjekur fillimisht një grup gazetarësh.

Ftesa qe i eshte bere ne Instagram, gazetarit Eni Ferati

G.M./Shqiptarja.com

TAG:
• instagram
• admir murataj
• grabitje me vdekje ne Rinas