VIDEO/ Bayern Munich dhe Leverkusen dhurojnë spektakël, ndeshja mbyllet 1-1! Fitojnë Leipzig e Gladbach

Java e pestë e Bundesligës gjermane të futbollit ka zhvilluar gjashtë duele këtë të shtunë. Në 18:30 Bayern Munich barazoi 1-1 ndaj Bayer Leverkusen. Te miqtë kampionë në fuqi protagonist ishte Granit Xhaka.

Gjithçka nisi në orën 15:30 ku Gladbach u imponua në shtëpi dhe fitoi 1-0 kundër Union Berlin me golin e Cvancara në minutën e gjashtë shtesë. Tri pikë edhe për St. Paulin që mposhti 0-3 në udhëtim Freiburgun.

Mainz humbi në shtëpi 0-2 nga Heidenheim, ndërsa RB Leipzig nuk fali duke mundur 4-0 Augsburgun me golat e Sesko (2x), Openda dhe Simons. Uolfsburgu nuk shkoi më shumë se barazimi 2-2 në shtëpi kundër Stuttgart, në një ndeshje të luftuar.

Bayern Munich 1-1 Bayer Leverkusen

Pritej një ndeshje vitrine dhe në 'Allianz Arena' dueli mes Bayern Munich dhe Bayer Leverkusen nuk zhgënjeu. Ndeshja u mbyll në barazimin 1-1, teksa ishte një shfaqje e vërtetë futbolli. Kampionët në fuqi të Leverkusen ia dolën që të thyenin serinë me katër fitore radhazi të Bayern, duke bërë që gara për kreun të jetë më e fortë.

Granit Xhaka bëri kamerierin në minutën e 31, teksa topi i servirur për Andrich përfundoi në rrjetë pas "predhës" së këtij të fundit. Vetëm tetë minuta më vonë Pavlovic u kujdes që tifozët të vendosnin "duart në kokë"me golin e barazimit nga afro 30 metra.

Në fund të dyja skuadrat ndajnë nga një pikë, ndërsa Leverkusen ndal serinë me katër fitore të Bayern Munich. Skuadra e Company prin renditjen me 13 pikë, ndërsa "Aspirinat" ndjekin me 10 pikë në vendin e tretë.

Bundesliga, raundi 5:

E shtunë, 28 shtator 2024

B. MGladbach 1-0 Union Berlin

Freiburg 0-3 St. Pauli

Mainz 0-2 Heidenheim

RB Leipzig 4-0 Augsburg

Uolfsburg 2-2 Stuttgart

18:30 Bayern Munich 1-1 Bayer Leverkusen

Renditja: