Gratë për Report Tv: Hymë në grevë pa lejen e familjes! Do rrimë këtu deri sa të vdesim! Balluku të mendojë si grua e nënë (VIDEO)

Kanë hyrë në grevë e urisë, ku kërkojnë minimumin e një përgjigje nga ministrja e Infrastrukturës, Belina Balluku, për të cilën thonë se nëse nuk preket si ministre, të paktën të mendojë si një nënë, si një grua. Ato shprehen se janë futur në grevë pa lejen e familjarëve të tyre dhe janë të vendosur që do të rrinë atje.

"Kemi fol mjaft sa jemi lodhur. Të vijë ministrja, të na japë një përgjigje të paktën të jemi këtu. se është grua dhe nënë, ne kemi lënë fëmijët dhe bashkëshortët pa lejen e tyre, e kemi vendosur se nuk po na jepet një zgjidhje, po kërkojmë pagat tona, t'i gjejë Rama e Meta se kush i ka gjetur, t'i gjejë SPAK a BKH ca janë ata. Ruci dhe Brace na ka dhënë premtime para 3 vitesh që do fillojë punë, ku janë këto premtime. Takimi i djeshëm gënjeshtra dhe mashtrime të radhës, ne i nxorëm kolegët tanë dhe hymë vetë, e morëm këtë risk mbi supe që të reagojë ministrja, që vjen deri në Fier dhe nuk na takon", tha një nga grevistet.

Paralajmërojnë se do të rrinë deri në vdekje.

"Flasin lotët e nënave dhe grave, të na japin ca na takojnë, të më japin 8 mln sa na takojnë dhe ne ikim nga greva, jam me tension dhe nuk dua as të ha e as të pi, këtu do vdes dhe nuk dal. Jemi në buzë gremine", tha një tjetër.

"Nuk kishim asnjë mundësi tjetër, o do vdes në shtëpi ose më mirë të vdes këtu që ta marrin vesh të gjithë, me kredi me borxhe, fëmijët pa punë pa shkollë. Nuk kemi ç'bëjmë".

"Këtu do rrimë deri sa të gjejmë një zgjidhje. Për ca diskutohet për ne. Kur vjen koha e zgjedhjeve e vijnë dhe na premtojnë", tha tha grevistë të tjera për Report Tv.

Lajmi kryesor:

Dita 18-të e grevës së naftëtarëve/ Dalin burrat, futen gratë: Jemi këtu pa lejen e familjes, do rrimë deri sa të vdesim! Balluku të mendojë si grua e nënë! Dy prej tyre dërgohen në urgjencë (VIDEO)

B.K./b.ha./Shqiptarja.com

TAG:
• naftetaret
• Sokol Dautaj
• greva e naftetareve