POP 5

Lajmet më të lexuara të 5 minutave të fundit

Kronikë

Gratë shqiptarë obeze më shumë se burrat, por kush bën palestër më tepër..?

Të dhënat e Organizatës Botërore të Shëndetësisë treguan që prevalenca e obezitetit te të rriturit në Shqipëri arriti në 21.6% të popullsisë në vitin 2016, nga 14.9% që ishte ky tregues 10 vjet më parë, në 2006-n.

Gratë shqiptarë obeze më shumë se burrat, por kush bën palestër më tepër..?

Foto ilustruese

Obeziteti është shpallur nga Organizata Botërore e Shëndetit(OBSH) si sëmundja e shekullit dhe Shqipëria nuk përjashtohet nga rreziku. Sipas të dhënave të fundit të publikuara nga INSTAT, në vitin 2018 përllogariten 41.7 % e burrave mbipeshë dhe 30.8 % e grave mbi peshën normale. Ndërsa obezë përllogariten 18.1 % e burrave dhe 24.4  e grave.

Më herët, të dhënat e Organizatës Botërore të Shëndetësisë treguan që prevalenca e obezitetit te të rriturit në Shqipëri arriti në 21.6% të popullsisë në vitin 2016, nga 14.9% që ishte ky tregues 10 vjet më parë, në 2006-n.

Por, të tjera të dhëna që lidhen me aktivitetin fizik të ushtruar, tregojnë se burrat shqiptarë ushtrohen më rregullisht se gratë.

Në përgjithësi, 11,1 % e grave të moshës 15-59 vjeç raportojnë se bëjnë një formë të stërvitjes aerobike 5 deri në 7 herë në javë; 3,3 % bëjnë këto ushtrime 3 ose 4 herë në javë, 3 % bëjnë ato 1 ose 2 herë në javë dhe 82,7 % nuk bëjnë ushtrime aerobike fare. Ndër meshkujt të së njëjtës moshë, 10,4 % ushtrojnë 5-7 herë në javë, 5,9 % ushtrojnë 3 deri 4 herë në javë dhe 77,2 % nuk bëjnë asnjë lloj stërvitjeje.

Sipas një hulumtimi të mëparshëm të Monitor në disa nga palestrat kryesore në kryeqytet, operatorët deklarojnë se femrat që frekuentojnë palestrën janë në rritje por pjesa më e madhe e tyre nuk shkojnë për rezultate se sa për t’u dukur. Një pjesë e tyre deklarojnë se mungesa e fuqisë blerëse i ka penguar që shqiptarët të jenë frekuentues besnikë.

Aktorët e tregut kanë pohuar se shqiptarët vazhdojnë të bëjnë palestër për t’u dukur mirë në sy të të tjerëve. Më të paktë janë ata që zhvillojnë aktivitete sportive për të qenë të shëndetshëm fizikisht. /Monitor/

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50