Kryeministri Edi Rama, në një intervistë për “France24” në emisionin “Këtu Europë”, foli për ecurinë e procesit të integrimit europian të Shqipërisë si dhe për paralajmërimin e Greqisë për të bllokuar procesin për shkak të çështjes “Beleri”.
Duke komentuar bllokimin nga Greqia të letrës së 27 vendeve anëtare për hapjen e kapitujve për shkak të çështjes “Beleri” Rama u shpreh se bllokimi për këtë çështje nuk do të qëndrojë pasi nuk do të ishte serioze.
Unë nuk dua t’i futem kësaj polemike. Sinqerisht nuk besoj se ky bllokim do të qëndrojë, sepse nuk do të ishte serioze. Nga ana tjetër, është vetëm çështje e drejtësisë. Nëse shikoni raportin e progresit, Shqipëria vlerësohet vërtet mirë për çështjet e reformës në drejtësi. Unë jam shumë i kënaqur sepse Shqipëria është vendi më i përparuar në të gjithë Ballkanin për këto çështje.
Dëgjoni, me Athinën kemi marrëdhënie strategjike dhe nga ana tjetër, kur flisni për minoritet grek, dua të saktësoj sikurse e thatë, kandidati ishte shqiptar me origjinë greke, edhe kundërshtari i tij në zgjedhje ishte po ashtu shqiptar me origjinë greke. Atëherë s’mund të jetë një çështje minoriteti grek kjo!
Kryeministri Edi Rama u ndal dhe te marrëveshja me Italinë në lidhje me emigrantët. Rama tha se qendrat e pritjes janë një praktikë që përdoren nga të gjitha vendet e BE-së dhe nuk ka asgjë të jashtëzakonshme.
Fakti që kjo marrëveshje bëhet me një vend jo anëtar shkakton, jo vetëm lajm, por dhe teori konspiracioni dhe dyshime që nuk janë serioze, për mua. Bëhet fjalë për një qendër pritjeje që është standard në të gjitha vendet e BE”,
Më tej, kryeministri ka deklaruar se nuk kemi pse të skandalizohemi, pasi Shqipëria është një vend plotësisht europian dhe thjesht po i japim një ndihmë një vendi fqinj me të cilin kemi lidhje prej një kohe të gjatë.
Nuk bëhet fjalë për 36 000 njerëz, por për një qendër pritjeje me 3000 vende në dispozicion. Kjo do të thotë që do të ketë 3000 njerëz në Shqipëri dhe asnjë më tepër, nëse ka rotacion kjo është diçka normale, mund të ketë më tepër njerëz që priten dhe të cilëve u shqyrtohet kërkesa në Shqipëri. Dhe nuk mendoj se këta 3000 njerëz do të tronditin industrinë e turizmit. Sepse kemi strehuar tashmë 4000 e ca afganë…”,
Rama u pyet edhe për hapjen e negociatave me Ukrainën, një vend në luftë me Rusinë, si dhe për problemet mes Serbisë dhe Kosovës
Duhet pritur deri në fund sepse nuk është ende zyrtare. Ka shqetësime dhe duhet parë se si do të zhvillohen gjërat sepse konflikti i ri në Lindjen e Mesme nuk ndihmon. Nga pikëpamja gjeopolitike do të ishte vetëvrasje për Bashkimin Evropian nëse do të përjashtonte rajonin apo disa vende.
Kryeministri u ndal edhe te zhvillimi i ekonomisë, ndërsa u shpreh i kënaqur me faktin që ekonomia shqiptare konsiderohet nga institucionet financiare ndërkombëtare si FMN, Banka Botërore, si një ekonomi me rezistencë të veçantë.
Komente
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Çiklizëm/ 'Giro d’Italia' 2025 fillon nga Shqipëria me tre etapa, Rama: Garohet në Tiranë, Durrës dhe Vlorë! Ndiqet nga 800 milionë njerëz (Itinerari)
23 Dhjetor, 13:07
Mos fli ne dafina,prej Greqise mund te presesh cdo gje! Ceshtja ketu qendron nese vendos veto,per,le t'i quajme /ndalesa/, gjate rruges per te pare ku ishe e ku duhet te shkosh drejt destinacionit final-BE,apo dhe ne finalen e madhe qe do te vije nje dite.Per keto minivetot,nuk ja vlen te bezdisemi shume,pasi te tilla pengesa te vogla do te kete plot,si per ne nga ana e Greqise,si per Maqedonine nga ana bullgare.Rendesi ka vota finale,qe mund te marre vite te tera.Deri atehere, ceshtja Beleri eshte zgjidhur e ka marre fund,keshtu qe nese na bejne ndonje numer ne fund,do t'a bejne thjesht per /mbajtje merie/ dhe tregim force.S.d.q,jam gati te ve bast qe Beleri ka per t'u denuar vetem me periudhen e paraburgimit.Sa per ceshtjen e kampeve te emigranteve,disa pyetje kam per kete Ramokratin:1-Pse Italia nuk i nderton kampet dhe ne qender e ne veri te saj,perpara se t'i ndertoje ne Lezhe? 2-Vertet qendrat e pritjes jane normale ne BE,po a te duket normale /vullnetarizmi/ jot per kete ceshtje,kur shtetet te tjera me te pasur,me te fuqishem,me ambiente e siperfaqe tokesore e mundesi financiare,ekonomike e logjistike shume here me te medha se Shqiperia,i kane thene /Jo/ kerkeses se Italise?3-A te duket normale te marresh persiper iniciativa te tilla,pa marre me pare O.K.e shqiptareve? 4-Shqiptaret u shprehen qarte ne sontazh se ishin kunder ketij vendimi,a e morret mesimin,apo ka rrezik te merrni prape iniciativa te tilla e te tjera,pa marre aprovimin nga shqiptaret me pare?
PërgjigjuKandidati i PS Goro nuk eshte me origjine greke. E ka deklaruar vete kete duke thene se greqishten e ka mesuar nga emigracioni ...
PërgjigjuPo kush po pyt per greqine se do ose nuk do, shqiptaret jane dhe ndihen europian, dhe sillen njelloj si italianet e greket.. çi duket vetja grekeve te vene veton, mbi çte drejte morale dhe kushtetuese ? Mbi çte drejte tonesh morali ? Greqia jete te lumtur borxheve qe i ka gjermanise dhe BE-se, ato te shohi pastaj te merret me te drejtat europiane te shqiptareve
PërgjigjuGreqia me Bejlerin nuk kanë shans të bllokojnë Bashkimin Europian të zgjerohet. Politikat e Putinit nuk i zbaton dot Greqia me pretekste të rremë.
Përgjigju