Fondacioni për Shoqëri të Hapur i ka informuar organizatat në Hungari, që varen nga mbështetja e tij se, vendimi i fundit i bordit të fondacionit u jep fund pothuajse të gjitha aktiviteteve në Bashkimin Evropian, ka mësuar Shërbimi hungarez i Radios Evropa e Lirë.
Përmes një emaili që u është nisur grupeve lokale, Fondacioni ka thënë se burimet e tij për Evropën do të jenë “jashtëzakonisht të kufizuara”.
Ky Fondacion, i njohur më parë si Instituti për Shoqëri të Hapur (OSF), i ka shpenzuar qindra miliona dollarë, prej kur është themeluar nga sipërmarrësi i lindur në Hungari, George Soros, për t’i forcuar shoqëritë civile në gjithë botën, prej rënies së komunizmit më 1989.
Shumë organizata joqeveritare në Hungari e kanë konfirmuar për Radion Evropa e Lirë se e kanë pranuar këtë shkresë, e cila e arsyeton vendimin e bordit “si ndryshim strategjik” për të arritur ndikim maksimal në pjesë tjera të botës.
Me një ndryshim të tillë, shumë programe evropiane do të mund të mbyllen më 2024.
Një zëdhënës i Fondacionit e ka konfirmuar për Radion Evropa e Lirë riorganizimin strategjik, duke thënë se grupi do të vazhdojë “financimin e grupeve të shoqërisë civile nëpër Evropë”, përfshirë ato që punojnë për çështje të jashtme të BE-së, apo që e mbështesin komunitetin rom.
“Ne do të vazhdojmë të jemi financues të të drejtave të njeriut, demokracisë dhe llogaridhënies qeveritare në rajon, sidomos në Ukrainë, Moldavi, Kirgizi dhe Ballkanin Perëndimor, përmes punës së fondacioneve tona kombëtare”, është thënë në deklaratë.
Në përgjigje është thënë se organizimi i granteve në mënyrë specifike do të vendoset në muajt e ardhshëm.
Kryeministri hungarez, Viktor Orban dhe shumë pjesëtarë të partisë së tij Fidesz, kanë qenë kritik ndaj rolit të Sorosit në rajon.
Fondacioni për Shoqëri të Hapur i ka mbyllur zyrat në Budapest më 2018 dhe është zhvendosur në Berlin, duke e përmendur “ambientin tejet shtypës politik dhe ligjor në Hungari”.
George Soros, 93-vjeçar, e ka emëruar djalin e tij Alexander Soros në krye të Fondacionit, më herët gjatë vitit, dhe ka paralajmëruar ndryshime të mëdha në strukturë të fondacionit.
Lajme të tjera
-
Mero Baze: PD duhet të zgjedhë mes Orbanit dhe Ramës
12 Tetor, 20:28
-
Gazment Bardhi reagon ndaj Ramës: Hungaria s’mund të jetë model për ne, largohu një orë e më parë
12 Tetor, 19:29 -
Ylli Pata: Pse Orbani i djathtë po i hap negociatat për të majtin Edi Rama?
11 Tetor, 18:26
-
Batutat në Hungari/ Rama ‘heq dorë’ nga atletet e bardha: Kam veshur këpucë të zeza të mërzitshme (VIDEO)
11 Tetor, 17:10 -
Orban: Javën e ardhshme në Luksemburg Shqipëria hap negociatat për grup kapitullin e parë, ju përgëzoj! Rama: Hungaria, model për ne! 350 milionë euro investime
11 Tetor, 14:18 -
Kryeministri Edi Rama nis vizitën zyrtare në Hungari! Takon homologun, Viktor Orban
11 Tetor, 11:16 -
Rama vizitë nesër në Hungari, do takohet me kryeministrin Viktor Orban! Pritet të nënshkruhen disa marrëveshje bashkëpunimi
10 Tetor, 21:57 -
Të djathtët evropianë mbështesin Salvinin para vendimit gjyqësor për emigrantët
6 Tetor, 17:10 -
Hungari, mijëra protestues kërkojnë t'i jepet fund 'propagandës' së medias shtetërore
5 Tetor, 22:45 -
Integrimi në BE/ Viktor Orbán: BE gaboi që ndau Shqipërinë nga Maqedonia e Veriut! Ofrohet të ndërmjetësojë me Bullgarinë! Reagime në Shkup
28 Shtator, 09:31 -
Këshilltari i Orbanit: Hungaria me gjasë s’do t’i rezistonte një pushtimi rus
27 Shtator, 18:09 -
Kryeministri i Hungarisë Orban vizitë zyrtare në Maqedoninë e Veriut
26 Shtator, 14:36
