Këtë javë ai që e ka pësuar dhunën në futbollin shqiptar është arbitri Anxhi Lushi. Ky i fundit në minutën e 52 të ndeshjes mes Gramshit dhe Valbonës në Kategorinë e Dytë ka akorduar një penallti për ekipin mik, por që nuk është pranuar nga vendasit.
Pas protestës së ashpër të disa lojtarëve nga pankina janë afruar disa persona të tjerë, mes tyre presidenti i klubit të Gramshit që e ka goditur me grushte arbitrin. Për pasojë Lushi ka ndërprerë sfidën që edhe njëherë tregoi se dhuna është këmbëkryq në futbollin shqiptar. Presidenti i klubit të Gramshit, A. B., 24 vjeç, është shoqëruar ndërsa nën hetim është vënë edhe babai i tij.
A. B., me detyrë president i klubit të futbollit të Gramshit akuzohet për veprat penale "Goditja e sportistit, trajnerit, arbitrit" dhe "Mosbindja ndaj urdhrit të punonjësit të Policisë", ndërsa babai i tij D. B akuzohet për veprën penale "Kundërshtimi i punonjësve të Policisë", pasi ka kundërshtuar punonjësit e Policisë, gjatë shoqërimit të djalit të tij, shtetasit A. B.
Sa për rikujtesë dy javë më parë futbollistët e Shënkollit dhe Delvinës prodhuan një sherr masiv.
Presidenti i klubit të futbollit në Gramsh është shoqëruar në komisariat pasi goditi me grusht arbitrin Anxhi Lushi. Nën hetim është vënë dhe babai i tij.
Njoftimi i policisë
Komisariati i Policisë Gramsh, në bashkëpunim me Policinë Bashkiake, kishin marrë të gjitha masat për të garantuar rendin dhe sigurinë, para, gjatë dhe pas përfundimit të ndeshjes së futbollit ndërmjet ekipeve sportive Gramshi dhe Valbona, në stadiumin e qytetit të Gramshit.
Masat për sigurinë brenda stadiumit i kishte marrë Policia Bashkiake, ndërsa shërbimet e Komisariatit të Policisë Gramsh, sipas rregullores, kishin marrë masat për sigurinë në perimetrin e jashtëm të stadiumit.
Në minutat e fundit të zhvillimit të lojës së futbollit, shtetasi A. B., 24 vjeç, president i klubit të futbollit të Gramshit, ka goditur me grusht shtetasin A. L., 25 vjeç, banues në Tiranë, arbitër i ndeshjes, dhe për këtë arsye është ndërprerë ndeshja.
Menjëherë, shërbimet e Komisariatit të Policisë Gramsh dhe shërbimet e Forcës së Posaçme "Shqiponja" të DVP Elbasan, kanë ndërhyrë në stadium duke parandaluar përshkallëzimin e konfliktit dhe duke shoqëruar shtetasin A. B., në ambientet e Komisariatit të Policisë Gramsh.
Në vijim të veprimeve, Oficerët e Policisë Gjyqësore të Prokurorisë pranë Gjykatës së Rrethit Gjyqësor Elbasan referuan materialet në Prokurori dhe nisi procedimi penal për shtetasit A. B., 24 vjeç dhe D. B., 58 vjeç, banues në Gramsh (babë e bir);
A. B., me detyrë president i klubit të futbollit të Gramshit, për veprat penale "Goditja e sportistit, trajnerit, arbitrit" dhe "Mosbindja ndaj urdhrit të punonjësit të Policisë", pasi, në përfundim të ndeshjes së futbollit të zhvilluar në Gramsh, ndërmjet ekipeve Gramshi dhe Valbona, ka goditur me grusht shtetasin A. L., 25 vjeç, banues në Tiranë, me detyrë arbitër i ndeshjes;
D. B., për veprën penale "Kundërshtimi i punonjësve të Policisë", pasi ka kundërshtuar punonjësit e Policisë, gjatë shoqërimit të djalit të tij, shtetasit A. B.
Materialet i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme.
Lajme të tjera
-
Dhunë në futbollin e femrave, Disiplina pezullon 15 ndeshje drejtoreshën e Gramshit, goditi lojtaret e Partizanit
19 Dhjetor, 18:11 -
Mbulohet nga ‘velloja e bardhë’ e dëborës, pamjet mbresëlënëse me dron nga Valbona (VIDEO)
15 Dhjetor, 08:55 -
Kategoria e Parë/ Vora leksion Korabit, fiton 3-0 dhe mban kreun! Burreli befasia e sezonit, shtyhen tre ndeshje (Renditja)
14 Dhjetor, 17:05 -
Vrasja e Fatjon Bicit në Gramsh, ekzekutohet vendimi, 2 autorët që ishin në arrest shtëpie shkojnë në burg
13 Dhjetor, 12:40 -
Vrasja e Fatjon Bicit në Gramsh, Apeli lë në fuqi vendimin, babai: Më vranë për së dyti! Krimineli është liruar dhe e bën gjumin në shtëpi
12 Dhjetor, 13:55 -
1100 krimet e diversantëve dhe vrasja e Thoma Priftit! Ngela jetim në barkun e nënës, Esencë-Report Tv
8 Dhjetor, 21:08
-
Kategoria e Parë/ Vora katër gola për kreun, Flamurtari mposht Kukësin! Tri pikë për Besën, Korabi ndalet në shtëpi (Renditja)
8 Dhjetor, 16:00 -
Promo/ Hamit Matiani më vrau babën! Unë ngela jetim në barkun e nënës, nesër në Esencë-Report Tv
7 Dhjetor, 19:37 -
Kategoria e Parë/ Kukësi fut në krizë Apoloninë, fiton 2-3 në Fier! Lushnja merr tri pikë, paqe në ndeshjet e tjera (Renditja)
30 Nëntor, 17:34 -
I dënuar me 2 vite burg nga GJKKO, arrestohet 55-vjeçari në Elbasan
28 Nëntor, 11:33 -
Elbasan/ Tre aksidente me pasojë 6 të plagosur, në pranga shoferi 71-vjeçar, 2 nën procedim! Një nga të dëmtuarit fëmijë
27 Nëntor, 15:23 -
Renditja/ Në Vlorë ndalet ndeshja, futbollisti shijakas përfundon në spital! Fitojnë Flamurtari dhe Besa, vlonjatët në krye të Kategorisë së Parë (VIDEO)
24 Nëntor, 15:48
