POP 5

Lajmet më të lexuara të 5 minutave të fundit

Kronikë

Hakerat i vjedhin 215 mijë euro
kompanisë së ilaçeve në Tiranë

Një vjedhje e pazakontë është kallëzuar një ditë më parë në Policinë e Tiranës ku me anë të një e-maili janë vjedhur 215 mijë euro. Pre e vjedhjes me anë të mashtrimit kompjuterik nga hakerat ka rënë financierja e një depoje farmaceutike në kryeqytet e cila pas një e-maili ka transferuar paratë në një bankë të nivelit të dytë në Bullgari.
Një kompani farmaceutike në kryeqytet ka rënë pre e mashtrimeve kompjuterike nga hakerat bullgar të cilët kanë arritur t'i vjedhin 215 mijë euro. Kallëzimi për këtë rast është bërë një ditë më parë në Policinë e Tiranës e cila tashmë ka nisur hetimet duke i kërkuar ndihmë dhe interpolit. Burime për “shqiptarja.com” bënë me dije se kompania e cila ka rënë pre e mashtrimit është D.Ph me seli në Tiranë dhe kallëzimi për këtë rast është bërë nga financierja e kësaj kompanie në polici.

hakerat vjedhin kompani ilachesh

Por si u arrit të vidhen 215 mijë euro?

Ka qenë një e-mail i mbërritur në zyrën e fiancës që njoftonte financieren L.T për një pagesë që kompania shqiptare duhet të bënte në një llogari bankare në Sofje të Bullgarisë.

Kjo pagesë është kryer me anë të transaksionit online nga llogaritë bankare të kompanisë në drejtim të një banke në Bullgari. Pa kaluar shumë kohë nga bërja e pagesës është kuptuar dhe vjedhja pasi firmës shqiptare nuk i rezultonte një borxh i tillë apo porosi e bërë nga ndonjë grosist në Bullgari. Ky kallëzim i është referuar dhe sektorit të krimeve kompjuterike në Prokurorinë e Tiranës të cilët tashmë kanë nisur letërporosi drejt bullgarisë për të identifikuar personat që kanë tërhequr shumë prej 215 mijë euro.

Redaksia Online
(u.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Francë/ Përplasen rëndë dy tramvaje në Strasburg, 30 të plagosur (VIDEO)

Francë/ Përplasen rëndë dy tramvaje në Strasburg, 30 të plagosur (VIDEO)

11 Janar, 16:44