POP 5

Lajmet më të lexuara të 5 minutave të fundit

Sport

Hamburgu bie për herë të parë nga kategoria, tifozët djegin stadiumin/VIDEO

HSV Hamburg, ekipi që nuk e kishte provuar ndonjëherë shijen e kategorisë së dytë, më në fund do ta provojë veten në Bundesliga 2 sezonin e ardhshëm.
Hamburgu bie për herë të parë nga kategoria, tifozët djegin stadiumin/VIDEO

Tifozët e Hamburg djegin stadiumin pas rënies në Bundesliga II

Shumë gola në javën e fundit të Bundesligës, dikush ka festuar, dikush në lot dhe plot emocione të tjera. Në fillim duhet thënë se Bayern Munchen u shkatërrua brenda në “Allianz Arena” nga Stuttgart me rezultatin 4-1. Heynckes kishte futur në fushë thuajse të gjithë titullarët, por mesa duket, të pamotivuar, ndaj një Stuttgart që nuk luante për asgjë.

HSV Hamburg, ekipi që nuk e kishte provuar ndonjëherë shijen e kategorisë së dytë, më në fund do ta provojë veten në Bundesliga 2 sezonin e ardhshëm. Megjithëse fitoi ndeshjen ndaj Borussia Monchengladbach, nuk mjaftoi për të siguruar një vend “play-off”, pasi Wolfsburg ka mposhtur FC Koln.

Kishte vite që Hamburg i vërtitej rënies dhe tani duhet të përballet me realitetin se nuk mund të krenohet më me faktin se nuk ka rënë ndonjëherë në kategorinë e dytë. Teksa kishin mbetur edhe dy minuta lojë, tifozët e Hamburg nuk e kanë kontrolluar veten dhe kanë djegur stadiumin, duke detyruar forcat e shumta policore të futen në fushë për rreth 15 minuta derisa situata të qetësohej.

Ndërkohë, Borussia Dortmund duhet ta konsiderojë veten me fat, pasi, megjithëse humbi 3-1 ndaj Hoffenheim, ka siguruar një vend mes katër më të mirëve, duke u kualifikuar në Champions League sezonin e ardhshëm.

Ekipi që doli humbës nga kjo situatë ishte Leverkusen, që megjithëse fitoi 3-1 ndaj Hannover, për shkak të golavarazhit, është renditur vetëm në vendin e pestë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Parashikimi i motit, e enjte, 26 dhjetor

Parashikimi i motit, e enjte, 26 dhjetor

26 Dhjetor, 07:43