POP 5

Lajmet më të lexuara të 5 minutave të fundit

Sport

Hapat e Skënderbeut për të luajtur në Champions league

Pavarësisht se Apeli i UEFA-s la në fuqi dënimin me 10 vite të Skënderbeut në Kupat e Evropës, klubi korçar po përgatit taktikën për të marrë pjesë këtë sezon në Champions League. 

Vendimi i Komisionit të Apelit në UEFA, ku rikonfirmon dënimin 10 vjeçar të Skënderbeut në kupat e Evropës, si dhe 1 milion euro gjobë, nuk e ka gjetur të papërgatitur klubin korçar.

Zyra ligjore e zgjedhur nga klubi ishte përgatitur prej kohësh për një eventualitet të tillë dhe tani do zbatojë në afatet e paracaktuara sipas kornizave ligjore.

Së pari, një kërkesë drejtuar KAS të Lozanës për pezullimin e ekzekutimit të vendimit të UEFA-s. Meqenëse vendimi i Apelit vlerësohet si urdhër ekzekutiv, UEFA nuk e llogarit në shortet ndërkombëtare duke filluar nga ky edicion. 

Vetëm Arbitrazhi Sportiv Ndërkombëtar mund të pezullojë për momentin vendimin e UEFA-s, deri në një urdhër të dytë që del pikërisht nga Lozana.

Ndaj Skënderbeu do të përpilojë një shkresë drejtuar KAS-it, që ky i fundit të urdhërojë pezullimin e vendimit të UEFA-s derisa të ketë mbaruar procesi i apelimit në Lozanë. Klubi ndoqi një taktikë të tillë edhe dy vite më parë, duke detyruar UEFA-n që të përfshinte emrin e tij në shortin për aktivitetet ndërkombëtare. 

Në këtë mënyrë, Skënderbeu shpreson që të mund të marrë pjesë në këtë edicion të Champions League, meqë po rrugëton i qetë drejt titullit kampion.

Sipas afateve të përcaktuara ligjore, pastaj korçarët do të bëjnë edhe hapin e dytë me kërkesën për apelim në CAS të Lozanës, duke kërkuar hedhjen poshtë të vendimit të dalë nga zyrat e UEFA-s. 

Korçarët kësaj here nuk do pranojnë gjykim të përshpejtuar, edhe pse këtë mund ta kërkojë UEFA. Duke shtyrë gjyqin e CAS përtej korrikut, klubi korçar ka bindjen se të paktën në këtë sezon do të ketë mundësinë që të tregojë veten në arenën ndërkombëtare. 

er.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Në Afrikë dhurojnë miell dhe vaj, FSHF 'lë thatë' fituesin e Superkupës së Shqipërisë

Në Afrikë dhurojnë miell dhe vaj, FSHF 'lë thatë' fituesin e Superkupës së Shqipërisë

26 Dhjetor, 09:34