TIRANË– Ditën e sotme është çelur gara për segmentin rrugor Milot-Fier, pjesë e Korridorit Adriatiko-Jonian. Ministrja e Infrastrukturës, Belinda Balluku është shprehur se ky aks do të behët me pagesë, e megjithatë ka theksuar se për ata qytetarë që nuk duan të paguajnë do të kenë mundësi që të zgjedhin një rrugë dytësore, me standarte, me shpejtësi më të limituar, që do të ndërtohet nga vetë investitori, pa paguar. Ky aks pritet të kushtojë rreth 1.2 miliardë euro, teksa detajet i dha ministrja.

"53 km gjurmë rrugë të reja dhe 62 km që do të jenë gjurmë ekzistuese, por të rehabilituara, e gjitha gjurma e ndërtuar si pjesë e segmentin Milot Fiet, do të shoqërohet nga rrugë ndihmëse, dytësore pa pagesë. Të zgjedhin mes rrugës së shpejtësisë pa pagesë, apo rrugëve dytësore të mirëmbajtura nga investitori, por pa pagesë. 0.075 euro për KM për makinë. Garancia që do të garantojë shteti është 1.2 miliard euro, 10% e shumës. 110 km në orë është shpejtësia maksimale dhe i gjithë korridori nga Miloti te Bypasi i Fieri për 1 orë e 15 minuta. Milot-Kashar brenda 2024, ndërsa Kashar-Lekaj 2026", tha Balluku.

Nga ana tjetër, kryeministri Edi Rama është shprehur se kjo rrugë do të jetë shumë e rëndësishme për Shqipërinë aq më tepër në periudhë turistike, pasi lidh jugun e Kroacisë, Malin e Zi, Shqipërinë dhe Greqinë. Kryeministri Vuri theksin se kjo rrugë do të jetë sipas standarteve Europiane, jo siç kanë qenë më parë "shto ujë e shto miell" dhe mbi të gjitha do të ulë numrin e aksidenteve.

"Gjithë financimi prej 1 mld e 200 mln euro do të bëhet nga fituesi i kësaj gare dhe do të kemi një aks të korridorit blu që lidh jugun e Kroacisë, Malin e Zi, Shqipërinë dhe Greqinë në unazën ku lëviz një pjesë e konsiderueshme e trafikut përgjatë sezonit turistik dhe ne jemi të shkëputur nga pikëpamja e ofertës dhe një segment ende i mbetur i pa kryer në Kroaci. Do të ndodh një transformim kolosal në çdo aspekt. Mëse do të shohim bilancin e vdekje dhe plagosjeve në këtë segmet, Milot- Tiranë është bilanc lufte dhe përtej uljes së numrit të aksidenteve gjatë qeverisjes sonë, përsëri kemi një nivel të papranueshëm që përfundojmë me vdekje, kjo do jetë një rrugë e standardeve europiane dhe do të jetë një rrugë me pagesë dhe një aks që do të garantojë edhe qarkullimin pa pagesë, por me shpejtësi dhe kushte të ndryshme. Mjafton të them që me këtë investim nga Morina në Fier, do të shkohet për 3 orë dhe aksesi i të gjithë turistëve që vijnë nga Kosova në bregun e jonit, do vetëm që do të jetë më i shpejtë", tha Rama. 

Ministrja e ekonomisë, Anila Denaj tha se nga ky investim pritet të fitohet 1.4 mld euro dhe 22 mijë vende të reja pune.

"Ne presim një impakt prej 1.4 mld euro dhe një punësime me 22 mijë vende pune", tha ministrja e ekonomisë, Anila Denaj.

Rendit zhvillimet sipas orarit:
Ora 12:00
Rama ironizon PD-në: I bënë rrugët si të presësh kostum për mua me masat e Braçes e Finos (VIDEO)

Gjatë fjalës në prezantimin e projektit të segmentit Milot-Fier, kryeministri Edi Rama krahasoi në mënyrë ironizuese qeverinë e tij me qeverinë e mëparëshme, PD-në, që sipas tij thonë se kanë investuar shumë për rrugët e Shqipërisë, por që sipas tij është vetëm propagandë. Rama e krahasoi situatën me një rrobaqepës që pret një kostum për të me masat e dy deputetëve, të Erion Braçes dhe Bashkim Finos. Ai shton se ata bënë tendera dhe jo 11 kilometra rrugë për të cilat propagandojnë gjatë gjithë kohës.

“Si të presësh një kostum për mua e masat për krahët t’ia marrësh Braçes, masat për pantallonat t’ia marrësh Bashkim Finos, masat për supet t’ia marrësh…, me gjeni një tjetër të gjatë se nuk më kujtohet”, ka thënë Rama.

Ora 11:58
Rruga Milot- Fier/ Rama: Do lidh jugun e Kroacisë, Malin e Zi, Shqipërinë dhe Greqinë! S'do ketë më bilance lufte të aksidenteve me vdekje

Kryeministri Edi Rama është shprehur se aksi i ri Milot- Fierdo të jetë një lidhje shumë e rëndësishme mes jugut të Kroacisë, Malin e Zi, Shqipërinë dhe Greqinë, një vlerë e shtuar për turizmin e vendit, teksa tha se ajo do të jetë një standardeve Europiane. Rama nuk i ka kursyes as ironitë për paraardhësitë e tij.

"Një aks rrugor që edhe ky bën pjesë te ëndrrat, shpresat dhe premtimet e të gjitha viteve që kur premtimi u shfaq në hapësirën e pluralizmit. E kemi shpallur ambicien tonë për korridorin blu dhe është vendosur në tryezën e procesit të Berlinit, është kthyer në prioritet më pas është bërë i mundur financimi për mbështetjen teknike, për fillimin e punës për këtë korridor, duke parë vit pas viti ngadalësinë e madhe dhe hendekun e madh mes çka në procesin e Berlinit është vendosur në tryezën politike, dhe çka burokracia europian ka sjellë si rezultat, ne hodhëm një hap dhe bëmë atë që dhe vendet e tjera në rajon kanë bërë, duke mos pritur në pafundësi, por duke vepruar dhe në atë hap në zgjodhëm PPP si një mekanikën financimi për dy pjesë të këtij korridori të cilat kanë një rëndësi strategjike në vetëvete brenda aksit, Milot Balldren dhe Thumanë- Kasharit që janë sulmuar shumë dhe më pas në kushtet e një situatë të re të krijuar kur ne u angazhuam për paktin për universitetin e spostuar për Thumanë- Kasharit për krijimin e një hapësire të re fiskale të transformimit të kushteve të studentëve. Segmenti Milot- Balldren është ende në një proces kohor të paezauruar dhe kjo është edhe arsyeja se përse këtu flasim për segmentin, Milot - Fier me një formulë të re që nuk e ngarkon shtetin shqiptar sesa një garanci minimale trafiku, praktikë e njohur publikisht dhe botërisht ndërkohë që i gjithë financimi prej 1 mld e 200 mln euro do të bëhet nga fituesi i kësaj gare dhe do të kemi një aks të korridorit blu që lidh jugun e Kroacisë, Malin e Zi, Shqipërinë dhe Greqinë në unazën ku lëviz një pjesë e konsiderueshme e trafikut përgjatë sezonit turistik dhe ne jemi të shkëputur nga pikëpamja e ofertës dhe një segment ende i mbetur i pa kryer në Kroaci. Do të ndodh një transformim kolosal në çdo aspekt. Mëse do të shohim bilancin e vdekje dhe plagosjeve në këtë segmet, Milot- Tiranë është bilanc lufte dhe përtej uljes së numrit të aksidenteve gjatë qeverisjes sonë, përsëri kemi një nivel të papranueshëm që përfundojmë me vdekje, kjo do jetë një rrugë e standardeve europiane dhe do të jetë një rrugë me pagesë dhe një aks që do të garantojë edhe qarkullimin pa pagesë, por me shpejtësi dhe kushte të ndryshme. Mjafton të them që me këtë investim nga Morina në Fier, do të shkohet për 3 orë dhe aksesi i të gjithë turistëve që vijnë nga Kosova në bregun e jonit, do vetëm që do të jetë më i shpejtë, por edhe shumë i sigurt, sikuese është edhe aksesi nga kufiri deri ku rruga e Kombit lidhet me pjesën tjetër të rrjeteti që me këtë ndërhyrje do të ngrihet në cilësi. Sot kemi rrugën e Kombit shërbim 24 orë gjatë gjithë vitet, sot kemi investime që vazhdojnë dhe faktet flasin për një rritje të sigurisë, ndërkohë që në këtë aks ne do të zgjidhim problemin e madh gjatë viteve të tranzicioni të një rruge kryesore automobilistike në një vend në mes të Europës. Trafiku kombëtar kalon sikur trafiku i makinave mespërmes të një fshati, nga dy anët e rrugës hyrje- dalje pa fund, një gjë e pashembull dhe e turpshme, për të gjithë ata që e kanë konceptuar dhe propaganduar si sukses, çdo investim në atë rrugë. Në këto shtat vite nuk janë bërë rrugë, në fakt përpara janë bërë tendera rrugës, u nisër për t'u bërë përpara, por një të mbaruar nuk e gjetëm, dhe jo vetëm nuk e gjetëm, por në shumicën prej tyre na u desh të rifillonin projekte nga e para, të ndesheshim me absurditete, me diferenca urash. Koha mesatare e ndërtimit të rrugëve mesatare në Gjermani është 10-12 vjet. Në Itali ka dhe 30 vite", tha Rama.

B.K./Shqiptarja.com