Ministri i Jashtëm i Maqedonisë së Veriut dhe kryesuesi aktual i Organizatës për Sigurimin dhe Bashkëpunimin në Evropë (OSBE), Bujar Osmani bëri të ditur të hënën se Ambasadorët e 57 vendeve anëtare të organizatës kanë rënë dakord që t’i hapin rrugën zgjedhjes së vendit që do të mbajë Presidencën e kësaj organizate për vitin 2024.
Vendimi përfundimtar, për të cilin kërkohet miratim i njëzëshëm i shteteve anëtare, pritet të merret gjatë punimeve të Këshillit të Ministrave të Jashtëm të OSBE-së, që do të mbahet më 30 nëntor dhe 1 dhjetor në Shkup.
Malta është shprehur e gatshme të kryesojë OSBE-në, pasi Rusia dhe Bjellorusia kishin paralajmëruar bllokimin e kandidaturës së Estonisë.
Moska ishte shprehur kundër Estonisë që të merrte presidencën, që në vitin 2021. Autoritetet estoneze kishin shprehur zemërim mbi këtë qëndrim dhe e kishin akuzuar Rusinë se po pengonte veprimtarinë e organizatës, në çështje që lidheshin me buxhetin apo shtrirjen e misioneve të saj.
Ministri i jashtëm estonez Maergus Tsahkna, citohet nga portali Politiko, të jetë shprehur se “Rusia ka shkelur të gjitha parimet themelore të OSBE-së me agresionin e saj të përgjakshëm në Ukrainë dhe se kërkesat dhe kërcënimet e Moskës nuk mund të pranohen”.
OSBE-ja përbëhet nga 57 shtete të Evropës, Amerikës Veriore dhe një pjesë të Azisë, ndërsa mandati i saj përfshin vëzhgimin e zgjedhjeve dhe mbështetjen e negociatave për paqe.
Ndërkaq, Moska për një kohë të gjatë e ka kritikuar organizatën dhe e ka akuzuar se “është kthyer në një vegël të Perëndimit”, duke bllokuar në këtë mënyrë një numër vendimesh, pasi miratimi i tyre kërkon mbështetje të njëzëshme të vendeve anëtare.
Kryesuesi aktual, Bujar Osmani ka theksuar jo një herë, se e ardhmja e organizatës mund të vihej në pikëpyetje, nëse Rusia do të bllokonte vendimet.
Në takimin e Këshillit të Ministrave të Jashtëm të OSBE-së në Shkup, pritet të jetë i pranishëm edhe Sekretari amerikan i Shtetit, Antony Blinken.
Nga ana tjetër, qeveria e Maqedonisë së Veriut hoqi të premten masën kufizuese për fluturimin e avionëve rusë në hapësirën e saj, për t’i mundësuar në këtë mënyrë pjesëmarrjen në konferencë ministrit të Jashtëm rus, Sergej Lavrov.
Por, që ai të arrijë në Shkup, nevojitet edhe pëlqimi i Sofjes ose Athinës për t’i dhënë leje aeroplanit rus për të fluturuar në hapësirat ajrore respektive.
Sipas agjencisë së lajmeve Reuters ministri rus Lavror u shpreh këtë të hënë se ai do të merrte pjesë në takimin e OSBE-së nëse Bullgaria lejonte fluturimin e delegacionit rus në hapësirën e saj ajrore dhe se disa vende Perëndimore kishin kërkuar takim me të.
Por, me gjasë Ministri i Jashtëm i Ukrainës, Dmytro Kuleba do ta bojkotonte takimin nëse aty shkonte homologu i tij rus, Lavrov, sipas burimeve në Ministrinë e Punëve të Jashtme në Shkup.
Autoritetet maqedonase janë përgatitur për muaj të tërë për takimin e Shkupit. VOA
Lajme të tjera
-
Dita e Alfabetit/ Arkivat ekspozojnë 'Dorëshkrimet e Kadaresë' në Shkup
22 Nëntor, 14:52 -
Trump do heqë 'non gratat'? Ambasadorja amerikane paralajmëron zgjerimin e listës së zezë në Maqedoninë e Veriut
21 Nëntor, 16:37 -
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Ish-ministrja e Mbrojtjes e Maqedonisë së Veriut emërohet zv.sekretare e NATO-s
19 Nëntor, 13:19 -
Kurti pret vendim të drejtë për gjuhën shqipe në RMV! Mickoski: Tensionet etnike vijnë nga politikanë pa ide, nuk e ndikojmë kushtetuesen
18 Nëntor, 19:47
-
Albin Kurti: Gjuha shqipe s’është zyrtare në RMV! BDI i tregon kushtetutën
18 Nëntor, 16:19 -
Begaj pret kreun e Kuvendit të Maqedonisë së Veriut: Shqiptarët, rol të veçantë për zhvillimin e qëndrueshëm në rajon
13 Nëntor, 17:15 -
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Maqedoni e Veriut, 100 artefakte të fisit ilir të Enkeledëve gjenden në Strugë! Ministri i Kulturës: Zbulimi më i madh arkeologjik për 100 vitet e fundit (FOTO)
9 Nëntor, 16:55 -
Mickoski shprehet optimist për integrimin evropian pas takimit me Macronin
8 Nëntor, 22:33 -
EKSKLUZIVE/ Zbulohet në Gostivar, statuja e lashtë që ndryshon historinë, e njëjtë me ato të gjetura në Apolloni e Butrint! Profesor Përzhita: Ndodh njëherë në 100 vjet (VIDEO)
7 Nëntor, 19:31
-
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27
