Kryeministri i Kosovës, Ramush Haradinaj, i ka bërë thirrje Presidentit serb, Aleksandër Vuçiç, të pranojë tragjedinë e ndodhur në Kosovë dhe të shpëtojë popullin e vet nga e kaluara. Duke reaguar për herë të parë lidhur me arrestimin e zyrtarit serb, Marko Gjuriç, Haradinaj paralajmëroi serbët të mos testojnë pa fund durimin e askujt.
“Vuçiç të marrë guximin dhe të shpëtojë popullin e vet nga e kaluara, të pranojë tragjedinë që ka ndodhur në Kosovë. Disa vendime janë të pashmangshme, është në interes të të gjithëve të ecim përpara. Të mos testohet pa fund durimi i askujt”, tha Haradinaj.
Në fund të mbledhjes së Këshillit të Sigurisë, kryeministri i Kosovës deklaroi se nuk do të japë dorëheqjen pas largimit të Listës Serbe.
“Parlamenti është i përbërë prej shumë grupeve parlamentare. Lista Serbe është partner. Kemi pas partneritet të mirëfilltë. Veprimi i djeshëm s’ishte i drejtuar kundër serbëve të Kosovës e as komunitetit politik në Kosovë, pos për ata që kanë shkelur ligjin. Është procedurë standarde. Është e pakuptueshme marrja e këtij vendimi, sepse është zbatuar ligji. Ka pas rast kur në emër të ligjit janë tërhequr zvarrë liderë. Dorëheqje s’e kam plan me dhënë. Do të vazhdoj punën. Nuk kam fjalë për ata që hyjnë e dalin. Mendoj se ky vendim nuk është në interes të serbëve në Kosovë. Vetëm në institucione, në udhëheqje, mund të avancohen interesat e serbëve në Kosovë. Shpresoj që ky vendim të tërhiqet”, deklaroi Haradinaj.
Ai ka thënë se në mbledhjen e Këshillit të Sigurisë është vlerësuar se gjendja e sigurisë në vend është e qetë dhe stabile. Ai ka thënë se arrestimi i Marko Gjuriçit nuk ishte i këndshëm, por ishte zbatim i ligjit. Ai e ka quajtur të ngutshëm deklaratën e Listës Serbe se do të themelohet njëanshëm Asociacioni i Komunave me shumicë serbe.
“Mendoj se është një paralajmërim i ngutshëm i tyre dhe i dëmshëm. I pamë dje se kur nuk ka diskutim të mirëfilltë deri ku munden të shkojnë zhvillimet. Nuk është mirë të testohet pakufi durimi i askujt. Në tavolinë na ka hije për biseda. I kemi bërë lutje qytetarëve serbë të veriut që të mos vijë atë ditë. Le të vijë një ditë më vonë se kalon ndalesa, por nëse ka menduar ashtu le të dinë të gjithë se janë procedura që respektohen gjithmonë”, shtoi Haradinaj.
Lajme të tjera
-
Spiunimi i BIA-s, Serbia në 'burgun digjital'
18 Dhjetor, 08:22 -
Ish-trajneri i Kosovës Bylblyl Sokoli për 'Report TV': Serbët në Tiranë do sillen si pulat, mund të fitojmë!
17 Dhjetor, 14:06
-
Amnesty International: Serbia instaloi programe spiunazhi në telefonat e dhjetëra gazetarëve e aktivistëve
16 Dhjetor, 09:32 -
Mali i Zi dhe Shqipëria përpara, të tjerët mbeten të bllokuar
16 Dhjetor, 08:39
-
Botërori 2026/ Përballja kundër Shqipërisë, Serbia pa tifozë në Tiranë (VIDEO)
14 Dhjetor, 20:14 -
SHBA sanksione ndaj industrisë serbe të naftës, reagon sërish Vuçiç: Nuk i kam parë dokumentet! S' jam gati të vendos sanksione ndaj Moskës
14 Dhjetor, 13:22 -
Serbia i nis kualifikueset në Tiranë, Aleksandër Vuçiç: Do të jetë problem! Kanë skuadër të fortë
14 Dhjetor, 08:57 -
Serbi/ Vuçiç: SHBA do t’i vendosë sanksione industrisë serbe të naftës për shkak të pronësisë ruse
14 Dhjetor, 07:17 -
Shorti i Botërorit/ Prodani në ‘Studio Live’: UEFA gaboi me shortin e Shqipërisë, s’duhet t’i kemi frikë! Serbia ‘armiku ynë’, shans për të bërë histori! Seitllari: Duka rrudhi buzët
13 Dhjetor, 20:30 -
Tentuan të djegin flamurin shqiptar, UEFA gjobit Serbinë me 200 mijë € dhe e dënon me 2 ndeshja pa tifozë në transfertë
13 Dhjetor, 17:32 -
Serbi/ Vuçiç në ditë të vështira, mijëra studentë protestojnë kundër qeverisë në Beograd
13 Dhjetor, 08:19 -
Pas akuzave se veprimet e tyre financoheshin nga Perëndimi, Vuçiç pajtohet me kërkesat e protestuesve pas disa javësh trazira
12 Dhjetor, 13:20
