Haradinaj reagon pas padisë së Ramës për shpifje: Po përpiqet të fshihet pas dramave dhe t'i ikë përgjegjësisë

Kryeministri në ikje i Kosovës, Ramush Haradinaj ka reaguar pasi homologu i tij, Edi Rama dorëzoi në gjykatën e Prishtinës padinë për shpfije ndaj tij. Haradinaj thotë se do të përgatisë përgjigje në padi, duke e quajtur atë të pabazuar, që ka për qëllim t'i ikë përgjegjësisë.

"Sot është raportuar në media se Kryeministri i Shqipërisë Edi Rama ka deponuar padi kundër meje në Gjykatë. Unë, sipas ligjit, do të përgadis përgjigje në padi, në afatet e përcaktuara ligjore!

Padia e Kryeministrit Rama është plotësisht e pabazuar dhe një diverzion politik që bëhet nga ana e tij, që të fshihet pas dramave mediale dhe t’i ikë përgjegjësisë. Kombi ynë dhe Kosova ka njerëz që i dalin zot në çdo kohë", shkruan Haradinaj.

Lajmi kryesor:

E akuzoi për shkëmbime territoriale/ Rama e padit për shpifje, Haradinaj i përgjigjet: Po përpiqet t'i ikë përgjegjësisë

TAG:
• edi rama
• Ramush Haradinaj
• gjykata e prishtines