Harta elektorale, ja sa deputetë
do ketë çdo qark pas 25 qershorit

Për herë të parë që prej 2009-s ,në zgjedhjet parlamentare të kësaj të djele po përdoret një hartë e re elektorale, e cila përcakton rishpërnadarje ndryshe të mandateve.

Tirana dhe Durrësi do të kenë rritje të mandateve, në krahasim me zgjedhjet e kaluara. Ndërsa Kukësi, Korça e Berati do të përfaqësohen secili qark me nga 1 deputet më pak në parlamentin e ri. Lëvizjet demografike brenda territorit shqiptar si dhe lindjet natyrale ishin përcaktuese për këtë ndërhyrje në numrin e deputeve në çdo qark.

Sipas të dhënave të muajit dhjetor të zyrës së gjendjes civile mbi numrin e votuesve, KQZ bëri një përllogaritje sesa është mesatarisht numri i votuesve që nxjerrin një deputet. Sipas statistikave zyrtare numri total i votuesve rezulton të jetë 3 452 308. I pjestuar me numrin 140 të mandateve të Kuvendit, përcaktohet që numri 31 621, është mesatarja e shtetasve që i takon çdo mandati.

Në bazë të kësaj të dhëne, Berati i cili i cili që prej 2009 përfaqësohej në Parlament me 8 deputetë, në shtator, do të ketë një deputet më pak. Po kështu, edhe Korça humbet një mandat.

Nga 12 deputetë, në Parlament do të jenë 11 që të përfaqësojnë këtë Qark. Kukësi humbet një mandat, nga 4 në 3 të tillë. Mandatet e hequra do të rishpërndahen në dy qarqet më të mëdha. Tirana fiton 2 mandate, duke bërë që numri i deputetëve në 2017 të rritet nga 32 në 34. Ndërkohë që dhe Durrësi përfiton një deputet më shumë, duke cuar numërin në 14. 

Pjesa tjetër e hartës mbetet e pandryshuar 6 mandate për Dibrën, 14 për Elbasanin, 16 për Fierin, 5 për Gjirokastrën, 7 për Lezhën, 11 për Shkodrën dhe 12 mandate për Vlorën.

Redaksia Online
l.q/Shqiptarja.com

TAG:
• kqz