Ministria e Infrastrukturës dhe Energjisë njoftoi sot se janë skanuar 54 dosje të kontratave që janë dhënë për hidrocentrale, 8 prej të cilave kanë rezultuar me probleme. Ndër problematikat kryesore të konstatuara nga kontrolli i deritanishëm janë; mosrespektimi i afateve kohore proceduriale dhe mosrespektimi i kushteve dhe kritereve në kontratat dhe lejet e lëshuara (qofshin të aspektit ndërtimor, mjedisor, financiar etj). Hapi i dytë është ndërprerja e kontratave, që sipas ministrisë është një proces kompleks, ndërsa po procedohet në mënyrë të kujdesshme që të mos ketë risqe dhe pasoja financiare për buxhetin e shtetit.
NJOFTIMI I PLOTE I MINISTRISE SE ENERGJISE
Në zbatim të Urdhrave nr. 47 dhe nr.48, datë 30.1.2019, të Ministrit të Infrastrukturës dhe Energjisë, “Për verifikimin e zbatimit të kushteve të kontratave koncesionare dhe kontratave objekt i Vendimit të Këshillit të Ministrave nr.822, datë 7.10.2015, për burimet hidrike të energjisë”, strukturat e Ministrisë së Infrastrukturës dhe Energjisë janë duke vijuar skanimin e situatës mbi korrektësinë e zbatimit të detyrimeve kontraktuale nga ana e subjekteve.
Ky proces, i iniciuar nga shqetësime të ngritura nga komunitete të ndryshme, duke filluar nga komunitete banorësh, e deri tek shoqatat në mbrojtje të mjedisit, ka 2 qëllime kryesore:
SË PARI - Për të zgjidhur dhe mitiguar problematikat potenciale të së tashmes.
SË DYTI - Për të identifikuar të gjitha ato aspekte problematike proceduriale që janë ndeshur deri më sot lidhur me aspektet planifikuese, implementuese, kontrolluese dhe monitoruese, në mënyrë adresimin ligjor për zgjidhjen e tyre, si dhe riinxhinierimin e të gjithë proceseve dhe procedurave.
Ministria e Infrastrukturës dhe Energjisë, si një ndër aktorët kryesorë dhe si iniciues i procesit të skanimit, po vijon punën për monitorimin dokumentar dhe në terren.
Në këtë proces kompleks, strukturat e Ministrisë janë duke bashkëpunuar ngushtësisht dhe me institucione të tjera publike, ndër më kryesorët mund të përmendim:
Ministria e Turizmit dhe Mjedisit, e cila, sipas fushës së saj të përgjegjësisë, po verifikon vlefshmëritë e lejeve mjedisore për këtë tipologji aktivitetesh, nëse këto veprimtari cënojnë zonat e mbrojtura dhe monumentet e natyrës, sikurse dhe nëse subjektet kanë zbatuar dhe përmbushur me përpikmëri kushtet e përcaktuara në lejet mjedisore;
Inspektorati Kombëtar i Mbrojtjes së Territorit, i cili po verifikon zbatimin e lejeve të ndërtimit nëse këto ndërtime janë kryer në respektim të përcaktimeve të lejeve zhvillimore që gëzojnë.
Agjencia Kombëtare e Burimeve Ujore, e cila, po verifikon vlefshmëritë e lejeve për përdorimin e burimeve ujore.
Verifikimet në terren po bëhen në prezencë të përfaqësuese të subjekteve, ndërsa përsa i përket verifikimeve dokumentare me subjektet do të vijohet të komunikohet nëpërmjet korrespondencave zyrtare.
Aktualisht kanë kaluar procesin e skanimit 54 dosje, 8 prej të cilave kanë rezultuar me probleme të mëdha dhe shkelje të kushteve kontraktuale, për të cilat do të fillohet procedura për ndërprerjen në mënyrë të njëashme të kontratës.
Ndër problematikat kryesore të konstatuara nga kontrolli i deritanishëm mund të përmendim:
• Mosrespektim e afateve kohore proceduriale;
• Mosrespektimin e kushteve dhe kritereve në kontratat dhe lejet e lëshuara (qofshin të aspektit ndërtimor, mjedisor, financiar etj)
Në vëmëndje të analizës sonë janë jo vetëm problematikat që janë rezultat i pakorrektësisë nga ana e subjekteve, por janë dhe problematikat që janë shkaktuar nga burokracia proceduriale e ndjekur nga institucionet publike.
Ndërprerja e kontratave është një proces kompleks dhe nga ana e Ministrisë po procedohet në mënyrë të kujdesshme që të mos ketë risqe dhe pasoja financiare për buxhetin e shtetit.
Problematikat e konstatuara, në mënyrë të përsëritur gjatë këtij procesi skanimi, do të analizohen dhe do të shërbejnë si referencë për ndryshimet ligjore që do të propozohen në këtë sektor.
Lajme të tjera
-
Borxhet e mbartura të Bashkive dhe Ministrive 10,5 mld lekë! Investime pa pasur fonde, Kavaja rekord, Tirana i përgjysmon për 9 muaj
1 Dhjetor, 18:35
-
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Qeveria hedh për konsultim Projektligjin për ndërtesat e reja dhe rinovimin e atyre ekzistuese: Duhet të jenë pa emetime që nga 2028 (DOKUMENTI)
3 Nëntor, 18:44 -
Buxhetin 2025 do ta ‘gllabërojnë’ rrugët, marrin 334 mln euro! Rritje 94 mln € edhe arsimit! Në fokus Shëndetësia, Siguria dhe Mbrojtja
29 Tetor, 17:00
-
PD padit sërish në SPAK Belinda Ballukun! Bardhi: Shit-blerje energjie në mënyrë të paligjshme, për 1 vit grabiti rreth 180 mln euro
18 Tetor, 11:44 -
Hekurudha Tiranë-Durrës, makineria e re nis nivelimin! Përfundon në vitin 2025
16 Tetor, 13:57 -
Apeli vendos kundër ndërtimit të HEC-it mbi lumin Seta në Dibër
11 Tetor, 17:31 -
455 nxënës mësim me turne prej 5 vitesh, protestë në Nikël: Ministria e Infrastrukturës të rindërtojë shkollën e re
8 Tetor, 20:20
-
Klos/ ‘Ujin e kemi dhuratë nga Perendia, nuk lejojmë ta grabisë Qeveria’! Banorët e fshatit turistik kundër hidrocentraleve
13 Shtator, 09:30
-
Pas protestave për aksin Thumanë-Kashar, qeveria dakordësi me banorët! Drejtuesi demokrat në Krujë: Do të kenë hyrje dhe dalje në zonat e tyre
11 Shtator, 19:52 -
Rishikimi i buxhetit/ Shkurtohen fondet për bujqësinë, i ikin 250 mln lekë! Infrastruktura merr 5.2 mld lekë
30 Gusht, 20:42
-
Mbetjet toksike/ Zv. kryeministrja e bëri përgjegjëse, koncesionari e rrëzon: Bëjmë vetëm ngarkim-shkarkim! Kontrata nuk përmend analiza
30 Gusht, 20:08
