Projektet për zgjerimin e hekurudhave në vend, me Durrës – Rrogozhinë – Pogradec – Lin – Maqedoni dhe linjën që do të lidhte Shqipërinë me Greqinë, që parashikon nisjen e dy trenave në ditë.
Hekurudha Tiranë-Rinas-Durrës pritet që të fillojë punimet në muajin qershor të këtij viti, teksa brenda muajit mars parashikohet që të përfundojë procedura e tenderimit.
Lajmi u bë i ditur nga z. Thimio Plaku, drejtor i Politikave dhe Strategjive të Zhvillimit të Transportit dhe Infrastrukturës, në Ministrinë e Infrastrukturës dhe Energjisë, gjatë një tryeze të rrumbullakët me temë “Procesi i Berlinit: forcimi i ndërlidhjes dhe bashkëpunimit rajonal”, të organizuar nga Instituti për Bashkëpunim dhe Zhvillim, me mbështetjen e Ambasadës së Holandës në Tiranë.
Projekti i rehabilitimit të hekurudhës Tiranë-Durrës dhe ndërtimit të zgjatimit të ri në Rinas është pjesë e Axhendës së Konektivitetit, që synon lidhjen mes rajonit e më gjerë me Europën, dhe në kuadër të Nismës së Berlinit, projektet që kualifikohen mund të tërheqin grante dhe financime nga donatorët.
Kostoja totale e këtij projekti është 92 milionë euro, 40% e të cilës është kredi nga Banka Europiane për Rindërtim dhe Zhvillim, 42% janë grante dhe 18% është kontribut kombëtar. Qëllimi i saj është rehabilitimi i 34.5 km hekurudhore midis Tiranës dhe portit kryesor të Durrësit (34.5 km) si dhe ndërtimi i 7.4 km rrugë të reja hekurudhore midis Tiranës dhe aeroportit ndërkombëtar Rinas. Aktualisht procesi i prokurimit ndërkombëtar me dy faza është duke u zhvilluar. Afati i synuar për mbylljen e tij është muaji mars.
Z.Plaku tha se ka një zhvillim në këtë projekt. Fillimisht ai parashikohej të mbaronte në terminalin e transportit publik (ku është sot terminali i autobusëve). Por, për shkak të humbjes së pasagjerëve me largimin e stacionit të trenit, është vendosur që të zgjaten edhe disa kilometra hekurudhë, në mënyrë që vetëm terminali i pasagjerëve të jetë afër ish-stacionit të vjetër të trenit, rreth 200 metra larg parkimit të sotshëm. “Ka filluar dizajni i detajuar për zgjatjen e hekurudhës nga Terminali i Transportit Publik në Stacionin Qendror të Tiranës, me një gjatësi prej 4 kilometrash”, tha Plaku.
Në fazën e mëtejshme pritet dhe elektrifikimi i hekurudhës nga Tirana në Rinas.
Si do të zhvillohen hekurudhat
Z.Plaku tha se qeveria po punon për të shtrirë rrjetin e hekurudhave në vend, në linjë me prioritetet që Bashkimi Europian i ka dhënë zgjerimit të tyre.
“Kemi një sërë projektesh në rrjetin hekurudhor. Bashkimi Europian, për rrugët jep deri në 20% grante, ndërsa për hekurudhat deri në 50%, pasi promovon ndërtimin e rrjeteve hekurudhore”.
Po punohet për projektin e detajuar të hekurudhës Vlorë-Hani i Hotit, i cili pritet të përfundojë në nëntor 2020. Ky projekt mundësohet nga një grant 4.5 milionë euro i akorduar nga WBIF (Korniza e Investimeve në Ballkanin Perëndimor). Pas përfundimit të tij do të aplikohet te WBIF për një grant prej rreth 50% të investimit (140 milionë euro).
Hekurudha Durrës – Rrogozhinë – Pogradec – Lin – Maqedoni, (Pan European Corridor VIII) është pjesë e rrjetit të 6 vendeve të Ballkanit Perëndimor dhe po punohet për ta kualifikuar si rrjet bazë deri në vitin 2023, me perspektivën për një zgjatim indikativ të Korridorit Orient/East Med TEN-T Corridor. Ka përfunduar studimi i fizibilitetit për rindërtimin e këtij korridori rrugor si dhe për dizajn paraprak të rrugës Durrës – Rrogozhinë. Më pas do të aplikohet te WBIF për një grant prej 50% të investimit (64 milionë euro). Ky projekt ka dalë me rezultate të mira sa i përket trafikut të pasagjerëve. Plaku thotë se problem në këtë projekt është pjesa e Maqedonisë, e cila është tepër e shtrenjtë, në rreth 600 milionë euro si dhe gjetja e një gjuhe të përbashkët për pikën e daljes nga Shqipëria, që fillimisht ishte planifikuar në Lin, por ka pasur shqetësime për ndikimin në mjedis.
Përmes një granti prej 1.7 milionë eurosh nga Banka Europiane e Investimeve (EIB) po hartohet dizajni paraprak dhe i detajuar i rindërtimit të hekurudhës Rrogozhinë – Pogradec. Më pas do të aplikohet për një grant për 50% të investimit (300 milionë euro).
Po kryhet një studim parafizibiliteti për lidhjen hekurudhore Shqipëri – (Kapshticë/Kristalopigi) – Greqi në kuadër të programit INTERREG CBC Shqipëri-Greqi. Projekti do të përfundojë në fillim të vitit 2021 dhe më pas do të aplikohet për studimin e fizibilitetit dhe dizajnit të detajuar.
Z.Plaku tha se distancat e shkurtra hekurudhore dhe ngarkesat e vogla po pengojnë zhvillimin, ndaj prioritet janë distancat e gjata. Me leverdi shihet sidomos lidhja hekurudhore me Greqinë, e cila nëse realizohet, mund të nisen çdo ditë dy trena pasagjerësh, duke mundësuar dhe lidhjen me gjithë Europën./Monitor/
Komente
Lajme të tjera
-
Fatos Çoçoli: Pse BE na dhuron 136 milionë euro?
28 Korrik, 09:06
-
Rritet kosto e hekurudhës Tiranë – Durrës, arrin në 129 mln euro, pa elektrifikimin
24 Qershor, 07:29 -
Projekti i hekurudhës Durrës-Prishtinë gati në 2025, linja do shërbejë edhe për qëllime ushtarake! Në gusht studimi për Rrogozhinë-Pogradec
3 Qershor, 22:57
-
Hekurudha Vorë-Hani i Hotit, kalon huaja 98 milionë euro! 1000 punonjës për ndërtimin e saj
3 Qershor, 22:37 -
Hekurudha Tiranë-Durrës, përfundojnë 70% e punimeve! Do përshkohet për 22 minuta, ka 8 ndalesa
21 Maj, 17:32 -
Fatos Çoçoli: Hekurudha, ku lëviz mirë dhe lirë
3 Maj, 11:33
-
Shinat e para të hekurudhës Vorë-Hani i Hotit në 2024-n, mbyllet brenda vitit 2030! Do të jetë elektrike, pritet të udhëtojnë 2.3 mln udhëtarë në vit
22 Prill, 17:03
-
Erlind Sulo emërohet drejtori i ri i KESH, Ergys Verdho shkon në krye të Hekurudhës Shqiptare
13 Mars, 19:34 -
Ndërtimi i hekurudhës Vorë-Hani i Hotit, Shqipëria nënshkruan marrëveshjen e huasë me BERZH
26 Shkurt, 17:45 -
Hekurudha Durrës-Tiranë, qeveria miraton mbi 104 milionë lekë për shpronësimet
17 Janar, 17:13 -
Fatos Çoçoli: Do rilindin hekurudhat?
26 Dhjetor 2023, 16:57
-
Hekurudha Vorë-Hani i Hotit, tenderi në korrik, projekti me vlerë 356 milionë euro
30 Qershor 2023, 07:22
Te kishim ca qereste e kishim bere uren hekurudhen etj
PërgjigjuMe fal por me sa kuptova nga ky shkrim, keta pretendojne qe te ndertohet hekurudhe ne baze te trafikut te pasagjereve?! Une nuk jam ekspert ekonomie por kaq gje e kuptoj qe hekurudhat behen ne baze te trafikut te mallrave, e pastaj mund ta shfrytezosh per pasagjere. Se nese investojne shuma te medha vetem per transport pasagjeresh, padiskutim qe ka per te dale me humbje komplet si ndermarrje. Vetem nese ia fusin cmimeve te biletave me top. Po edhe me biletat prap nuk e bejne dot se ka konkurrence ne transportin e pasagjereve te rrjetit rrugor dhe ajror per distanca te gjata.
PërgjigjuHekurudhat ne shqiperi jane shkaterruar dhe sabotuar nga qeverite ne bashkepunim. Ku jane ato vagonat qe u blene kur kishte lsi - ja ministrine. ? Kush i ka vjedh fondet per hekurudhat ??
PërgjigjuKerkesa e qeverise per trajtimin me rendesi te rehabilitimit te hekurudhes shqiptare eshte patjeter nje sukses i jashtezakonshem, qe asnje qeveri shqiptare nuk e ka arritur deri sot .Hekurudha eshte me rentabilitet ekonomik ,por fatkeqesia eshte se keshilltaret per kete problem madhor ,o ishin injorant o ishin dashakeqes si ne cdo sektor si gjoja soecialist dhe te degjohen te aftet qe nuk mungojne dhe sot.Injoranca ne drejtim eshte fatkeqesi kombetare .Mjaft
PërgjigjuHajt inshalla me kemb t mbare kur ka vullnet cdo gje behet kjo qeveri ka dhene prova qe di te qeverise dhe ka vizion,si fillim beni Tirane-Durres tgjithen elektrike pstj tjerat me Greqine dhe Malin zi do ishte shume me leverdi per Shqiperine sesa lidhja me Maqedonin
PërgjigjuSi perhere projekti fillon pas disa muajsh, per shkaqe rrethanore shtyhet dhe disa vite. Po te deshironi te jetoni me shpresen se do te behet votoni PS. Ne te kundert harrojeni se e keni fajin vete. Ne shtetin tone te gjitha veprat e premetuara do te realizohen por duhet me prite nja 700 a 800 vjet.
Përgjigju