Helmimi i 30 personave në Shupenzë, PD: Akt kriminal i përsëritur! Drejtësia të hetojë përgjegjësit

Helmimi i 30 personave në Shupenzë, PD: Akt kriminal i përsëritur! Drejtësia të hetojë përgjegjësit

Ish-deputetja e PD në qarkun Dibër, Dhurata Çupi ka akuzuar qeverinë lidhur me ngjarjen e helmimit të 30 banorëve në Shupenzë. Ish- deputetja ka sjellë në vëmendje të njëjtën ngjarje të ndodhur muaj më parë duke vënë theksin se nuk ka asnjë hetim të kryer, nuk ka asnjë përgjegjës. Ajo i bën thirrje Prokurorisë që të nis hetimet, pasi saj pas kësaj ngjarje fshihet një akt kriminal. 

"Po i helmojnë prej 7 vitesh me varfëri duke i çuar në skamje.
Po i helmojnë duke u vjedhur xhepat përmes taksave që paguajnë rregullisht për 7 vjet me radhë. U bë e disata herë që po i helmojnë me ujin që pijnë.Janë banorët e Shupenzës kete herë dhe Bulqizes disa muaj me parë, të cilët vazhdimisht rezulton të helmohen nga uji i pijshëm në rubinetat e tyre, dhe ndonëse ky fakt është denoncuar dhjetra herë, ende askush nuk ka marrë asnjë përgjegjësi. Ndërsa banorëve u rrezikohet jeta nga helmi, auroritetet heqin përgjegjësitë nga vetja për këtë ngjarje.

Korrupsioni institucional në vepra publike është trendi i rilindjes, por ky korrupsion po u rrezikon jetën këtyre banorëve. Asnjë hetim nuk është kryer nga organet kompetente të hetimit. Askush nuk ndihet para një akti të tillë kriminal. Institucionet të marrin përsipër përgjegjësitë që u takojnë në mënyrë që uji të jetë ujë dhe jo helm për banorët e Shupenzës zonë ku burimet natyrore janë aq të shumta sa nuk mund të lejohet për asnjë arsye korruptive një akt i tillë kriminal.

Organet e drejtësisë të hetojnë një orë e më parë për këtë ngjarje të përsëritur e të nxjerrin para drejtësisë përgjegjësit që po ju kushton shëndetin banorëve të Bulqizës. Është koha për të vepruar dhe jo për të heshtur", shprehet Çupi.

 


Lajmi kryesor:

Shupenzë/ Dyshohet se janë helmuar nga uji i pijshëm se janë çarë tubacionet, rreth 30 persona përfundojnë në spital


B.K./Shqiptarja.com
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

GJKKO firmos masë të dytë sigurie për Taulant Tushen

GJKKO firmos masë të dytë sigurie për Taulant Tushen