Helmimi i ish-spiunit rus/Britania dënon Moskën, mbështetet nga BE

Britania e Madhe arriti të sigurojë mbështetjen e vendeve të Bashkimit Europian, për të vënë përballë përgjegjësisë Moskën për helmimin e ish-spiunit rus, në Londër dy javë më parë.

Ministrat e Jashtëm të Bashkimit Europian e dënuan ashpër helmimin e Sergei Skripal dhe theksuan se e kanë marrë shumë seriozisht vlerësimin e Londrës se Rusia qëndron prapa sulmit.

 “Bashkimi Evropian e merr seriozisht vlerësimin e Mbretërisë së Bashkuar se Federata Ruse, sipas të gjitha gjasave, është përgjegjëse. BE-ja shpreh solidaritet të pakufizuar me Mbretërinë e Bashkuar, përfshirë përpjekjet e saj për t’i sjellë përgjegjësit e këtij krimi para drejtësisë”, thanë përmes një deklarate 28 ministrat e Jashtëm të BE-së.

LEXO EDHE:
Festa të shfrenuara me drogë e alkool, qindra të rinj nga gjithë bota mblidhen në plazhin e Delisufit në Vlorë! Pinë kokainë të pashqetësuar

Kremlini, në anën tjetër, përsëriti se Britania duhet të dëshmojë përfshirjen e Rusisë në helmimin e Skripalit dhe të vajzës së tij ose të kërkojë falje.

Britani dëboi 23 diplomatë rusë nga Londra, si përgjigje ndaj sulmit të supozuar rus ndaj ish-agjentit të tyre në Londër. Moska reagoi ashpër. Ministri i Jashtëm, Sergei Lavrov, njoftoi se do të marrë masa reciproke ndaj Londrës. 23 diplomatë britanikë pritet të dëbohen nga Rusia së shpejti.

Redaksia Online
A.D/shqiptarja.com

Sondazhi i ditës:

Çfare prisni nga sesioni i ri parlamentar?

• Dialog

  20.7%

• Debat

  52.1%

• Nuk e di

  27.3%

Vota total: 363

Votat totale janë unike

• Sondazhi i ditës:

  Çfare prisni nga sesioni i ri parlamentar?

  Dialog Debat Nuk e di