POP 5

Lajmet më të lexuara të 5 minutave të fundit

Gati ndryshimet ligjore, nuk do të ketë më gjykim të shkurtuar (ulje e dënimit) për personat që akuzohen për dhunë në familje dhe krime ndaj fëmijëve

Të gjithë të akuzuarit për vepra penale kundër fëmijëve dhe si dhe ata që akuzohen për dhunë në familje nuk do të lejohet më që të kërkojnë gjykim të shkurtuar dhe për pasoja ulje të dënimit me 1/3/. Nisma ligjore për ndryshime në Kodin e Procedurës Penale është tashmë gati dhe është hedhur për konsultim publik.

Gati ndryshimet ligjore, nuk do të ketë më gjykim të shkurtuar (ulje e dënimit) për personat që akuzohen për dhunë në familje dhe krime ndaj fëmijëve

Ministria e Drejtësisë

Të gjithë të akuzuarit për vepra penale kundër fëmijëve dhe si dhe ata që akuzohen për dhunë në familje nuk do të lejohet më që të kërkojnë gjykim të shkurtuar dhe për pasoja ulje të dënimit me 1/3/. Nisma ligjore për ndryshime në Kodin e Procedurës Penale është tashmë gati dhe është hedhur për konsultim publik.

Ministria e Drejtësisë ka bërë gati draftin pasi në procesin e Këshillimit Kombëtar për Shqipërinë, qytetarët rezultuan se ishin pro ashpërsimit të dënimit për personat që kryejnë krime të rënda dhe heqjen e së drejtës të gjykimit të shkurtuar për autorët e dhunës në familje. Në propozimin për amendim të Kodit thuhet se në nenin 403, paragrafi i dytë, ku flitet për kategoritë që ndalohen së kërkuari gjykim të shkurtuar, dhe ku përfshihen vetëm ato që dënohen me burgim të përjetshëm, të shtohen edhe “për personat që kryejnë një vepër penale ndaj fëmijëve dhe që kryejnë dhunë në familje”.

Ky parashikim vjen në kuadër të parandalimit të përgjithshëm me qëllim uljen e kriminalitetit ndaj fëmijëve dhe dhunës në familje, duke shmangur uljen e dënimit automatik të dënimit. Pas vlerësimit nga qytetarët në Këshillim Kombëtar, u ndërmor nisma që të ndalohej aplikimi i gjykimit të shkurtuar për personat e akuzuar për dhunë në familje apo krime ndaj fëmijëve, sipas nenit 130/a të Kodit Penal të Republikës së Shqipërisë.

Në relacionin shoqërues thuhet se “individualizimi i dënimit i takon gjykatës mbi caktimin e masës së dënimit brenda kufijve ligjor. Dënimi penal duhet të jetë në funksion të rehabilitimit social të autorëve të veprave penale dhe ulja e dënimit nuk duhet të jetë një përfitim i padrejtë i cili nuk i shërben drejtësisë penale”.

/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 14/09/2022 02:57

    Tallet min.e drejtesise me kete propozim?! Heqja e gjykimit te shkurtuar duhet bere per te gjithe sistemin,per te gjithe te akuzuarit,pa perjashtim!

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Parkimet e gabuara rëndojnë trafikun në Tiranë! Specialisti: Problem makinat luksoze, ja zonat kritike! Eksperti: Rrisni gjobat për ‘të fortët’

Parkimet e gabuara rëndojnë trafikun në Tiranë! Specialisti: Problem makinat luksoze, ja zonat kritike! Eksperti: Rrisni gjobat për ‘të fortët’

18 Dhjetor, 15:36