POP 5

Lajmet më të lexuara të 5 minutave të fundit

Ekonomi

HERE po krijon harta në 3D të Shqipërisë

HERE Technologies, në përpjekje për të krijuar hartat digjitale më të përparuara dhe të azhurnuara në botë, po mbledh të dhëna të  sakta të rrugëve dhe po kap imazhe panoramike të tyre në shumë vende të botës.

HERE po krijon harta në 3D të Shqipërisë

HERE Technologies, në përpjekje për të krijuar hartat digjitale më të përparuara dhe të azhurnuara në botë, po mbledh të dhëna të  sakta të rrugëve dhe po kap imazhe panoramike të tyre në shumë vende të botës.

HERE,duke përdorur teknologji të përparuar për kapjen dhe përpunimin e këtyre informacioneve, siguron respektimin dhe mbrojtjen e privatësisë.

HERE Technologies, si një udhëheqës global për hartat digjitale dhe shërbimet e vendndodhjes, në përpjekje për të paraqitur në të ardhmen sa me të afërt hartat më të përparuara në botë, do të hartëzojë pjesë të Shqipërisë në forma jashtëzakonisht të sakta dhe precize tre-dimensionale (3D).

HERE, për të arritur të dhëna shumë të sakta rrugore që përfshijnë sinjalet rrugore horizontale dhe vertikale, përdor një automjet të pajisur me teknologjinë më të fundit i cili do udhëtojë nëpër rrugë gjatë muajit Mars dhe Prill 2022. Makina e branduar qartë me emrin HERE, do të kapë gjithashtu imazhe 3D  të nivelit të rrugës, si dhe pika të tjera interesi siç janë dyqanet, stacionet e karburantit dhe restorantet. Këto informacione do të përdoren për të krijuar harta të detajuara të Shqipërisë, dizajnuar për të mbështetur lëvizjen e automjeteve dhe shërbime të tjera të avancuara, që rrisin dhe përmirësojnë  sigurinë rrugore, zvogëlojnë bllokimet e trafikut dhe mundësojnë që njerëzit të lëvizin  më lehtë në zonat urbane.

Në javët e ardhshme, automjeti do të udhëtojë në të gjitha rrugët kryesore nëpër të gjithë vendin dhe në rrugët e disa qyteteve. I gjithë procesi zhvillohet pa probleme dhe nuk ndërpret qarkullimin e rregullt të trafikut.

HERE, është e përkushtuar dhe angazhohet  të respektojë dhe mbrojë privatësinë e njerëzve. Imazhet e kapura ruhen në automjet dhe më pas transferohen në formë të koduar dhe ruhen në një strukturë të sigurt. Ato përpunohen me programet kryesore të industrisë dhe algoritme të përparuara për të zbuluar dhe për të mbuluar imazhet e fytyrës dhe të targave. Imazhet publikohen vetëm pasi të jenë mbuluar numrat e targave dhe fytyrat e njerëzve.

Në raste të rralla, kur në një imazh nuk janë mbuluar në menyre te saktë këto të dhëna, HERE  lehtëson raportimin për këdo. Vizitoni imazhin online dhe klikoni në linkun “Report Image”  në këndin e poshtëm  të hartës.

Ju lutemi vizitoni http://www.here.com/en/drive-schedule  për të mësuar më shumë rreth projektit, dhe për të mësuar se si HERE mbron privatësinë tuaj dhe si të shijoni përvojën e pasur të hartave.

Rreth HERE Technologies

HERE u siguron njerëzve,bizneseve dhe qyteteve mundësinë për të zotëruar fuqinë e vendndodhjes. Duke i dhënë kuptim botës përmes prizmit të vendndodhjes, ne i fuqizojmë klientët tanë që të arrijnë rezultate më të mira - nga ndihma e një qyteti për të menaxhuar infrastrukturën e tij ose një ndërmarrje për të optimizuar pasuritë e saj deri tek udhëzimi i drejtuesve të automjetev  drejt destinacioneve të tyre në mënyrë të sigurt.

Për të mësuar më shumë rreth HERE, përfshirë gjeneratën e re të platforms së shërbimeve, vizitoni adresën: http://360.here.com.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Gili dhe Redoni tërhiqen nga gara, Egli në lot, ja si reaguan banorët e tjerë

Gili dhe Redoni tërhiqen nga gara, Egli në lot, ja si reaguan banorët e tjerë

26 Dhjetor, 14:58