POP 5

Lajmet më të lexuara të 5 minutave të fundit

Politikë

Opinion

Periferi

“Heronj” modernë të demokracisë sonë liberale

Nuk duhet të na shqetësojnë fjalët dhe veprimet e askujt, madje përkundrazi, në mrekullinë e demokracisë liberale, në transmetimet Live të kaq shumë televizioneve informative, shqiptarët kanë mundësinë të kuptojnë më mirë dhe më pas të zgjedhin se cilët do të jenë "heronjtë". 

“Heronj” modernë të demokracisë sonë liberale

Deputeti Ervin Salianji i "Rithemelimit" sot ne Kuvend

Demokracia liberale është i vetmi sistem i shpikur dhe i provuar nga njerëzimi deri më tani, që më shumë se çdo sistem tjetër, shpalos dhe lë hapsirën e duhur për manifestimin e natyrës njerëzore me të gjitha ngjyrat dhe format. Dhe të njohësh sa më mirë natyrën njerëzore, është një luks. Ja pse, të gjithë ne shqiptarët, duhet të këmbëngulim me pasion dhe përkushtim që të jemi pjesë e kësaj familjeje: Pjesë e familjes së demokracisë liberale perëndimore!

Në demokracinë liberale, në pluralizmin e mendimit, në lirinë e medias dhe pluralizmin e realiteteve mediatike, në lirinë e tregut, individi ka mundësinë të shpalosë më të mirën e tij, por në të njëjtën kohë, edhe më të keqen e tij. Në liri dhe vetëm në liri, ne shfaqim më të mirën dhe më të keqen tonë, sipas rastit që ne përfaqësojmë, sipas asaj që ne kemi ndërtuar individualisht. Disa arrijnë të fshehin, të manipulojnë, të mos tregojnë, atë që në të vërtetë janë, por manipulimi, fshehja nuk mund të jetë asnjëherë e gjatë dhe e përhershme: Çdo lumë mund të bëjë të gjithë devijimet që dëshiron, por përfundimi i tij në detin e madh, është i pashmangshëm. Po kështu, edhe natyra jonë përballë të së vërtetës.

Thonë që kjo vlen si për individë, ashtu dhe për organizata, sisteme, shtete. Përgjatë demokracisë sonë liberale, me gjithë problematikat, defektet, pengesat, deformimet, në gjithë këto vite, kemi mundur të shohim gjithëçka dhe këdo në të gjithë metamorfozën individuale, politike dhe shoqërore.

Edhe sot. E njëjta gjë.

Në këto raste, më shumë se mijëra fjalë vlejnë pamjet, imazhet, transmetimet Live, të cilat, me gjithë dritëhijet e një media jo perfekte, e kanë shpëtuar Shqipërinë dhe shqiptarët nga shumë situata, nga shumë manipulime, nga shumë intriga. Përmes transmetimeve Live, ne të gjithë kemi mundur të shohim më qartë, të rikthehemi e të kuptojmë më mirë, të bëjmë stop, të bëjmë play e riplay, e të nxjerrim përfundimet tona dhe, në fund të fundit të zgjedhim përmes fjalëve dhe veprimet e të tjerëve, por me kokën tonë, se kush janë e do të jenë “heronjtë” tanë modernë.

a.m./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Liku: 02/11/2023 18:26

    "Herojt"jane te lodhur duke shkaterruar

    Përgjigju
  • asolingo: 02/11/2023 12:24

    Ok e kane protesten me thyerje djegje e ku ta di une.Duhet te kete nje komision per te verifikuar demet dhe me pas te mbahet ne vlefte leku tek organizatoret e protestes ose ne parlament prej deputeteve qe demtojne pasurine e shqiptareve.Ky duhet te kaloje dhe ne ligj.

    Përgjigju
  • Maksi: 02/11/2023 12:22

    Ne fillim duhet te kete demomraci dhe me pas le te jete ose jo liberale.

    Përgjigju
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01