TIRANË - Pesë ekspertë italianë të cilët kanë hetuar në shtetin fqinj pasojat e tërmetit shkatërrues që ra në L'Aquila po asistojnë hetuesit në prokurorinë e Durrësit për të gjetur fajtorët pas dëmeve të tërmetit tragjik të 26 nëntorit në Shqipëri që la dhjetra viktimë, qindra të plagosur e mijëra të pastrehë. 5 ekspertët italianë, mes të cilëve 2 prokurorë, një inxhinier dhe 2 oficerë të policsë gjyqësore, patën një takim në Prokurorinë e Përgjithshme me kryeprokurorin Olsian Çela, ndërsa nesër do të zhvendosen në Durrës ku do të njihen me dosjet e hapura në prokurorinë e këtij qyteti për pasojat e tërmetit.
"Me kërkesë të Prokurorit të Përgjithshëm, me ndihmën e misionit Pameka ne Shqipëri, u mundësua vizita e një delegacioni ekspertësh italianë tëkryesuar nga dy prokurorë të prokurorisë së Aquilas Fabio Picuti dhe Michele Renzo. Takimi i parë u zhvillua sot me Prokurorin e Përgjithshëm Olsian Çela. Qëllimi i vizitës është dhënia e asistencës teknike mbi hetimet që lidhen me pasojat e tërmetit të datës 26 Nëntor 2019. Delegacioni Italian përfaqësohet nga 2 prokurorë të Aquilas përgjegjës për hetime të ngjashme në Itali, një inxhinier si edhe 2 oficerë të policisë gjyqësore. Delegacioni do të zhvillojë sot dhe nesër takime në Durrës me prokurorë të Durrësit dhe Krujës që po hetojnëçështjet që lidhen me pasojat e tërmetit", thuhet në një njoftim zyrtar të Prokurorisë së Përgjithshme.
Në qytetin bregdetar anë dy ekipe nga Prokuroria e Durrësit që kanë nisur hetimet në objektet e rrënuara nga tërmeti. Konkretisht hetimi po kryhet në 6 objektet që shkaktuan viktima dhe hetimi tjetër për të paktën 200 objekte që kanë pësuar dëme të mëdha, por nuk që nuk kanë shkaktuar viktima. Prokuroria ka urdhëruar sekuestrom e dosjeve me lejet e ndërtimi, raportet e institutit sizmiologjik për këto ndërtime, raportin e kolaudimit nëse është respektuar apo jo leja e dhënë dhe parametrat teknikë për konstruksionin metalik dhe betonit.
Kryeprokurori Olsian Çela, takim me ekspertet italian
Ndërkohë në 14 dhjetor të vitit që lamë pas, Prokuroria e Durrësit lëshoi 18 urdhër arreste për zyrtarë, ndërtues, inxhinierë dhe specialistë të cilët dyshohen se kanë gisht në ndërtimet jo cilësore apo të jashtëligjshme në Durrës. Nga këta urdhër arreste 9 persona u arrestuan ndërsa 9 të tjerë u shpallën në kërkim. Nga veprimet e hetimore ka rezultuar se dëmtimet, shembjet e këtyre godinave dhe pasojat në jetët e njerëzve kanë ardhur dhe si shkak i kryerjes së ndërtimeve pa respektuar rregullat, normat dhe standardet në fushën e ndërtimit.
Ndërkohë për sa u përket dëmeve në Tiranë, Gjykata Penale e Tiranës ka lënë në burg 7 prej zyrtarëve të arrestuar si përgjegjës për dëmtimin e banesave nga tërmeti, mes tyre edhe dy ish kryekomunarët e Farkës dhe Kasharit Fatbardh Plaku dhe Besnik Fuçia. 12 prej të arrestuarve u lanë në 'Arrest shtëpie", mes tyre edhe ndërtuesi Gerti Çalliku, i cili ka përfituar leje ndërtimi në kohën e Lulzim Bashës si kryetar bashkie. Po e njëjta masë u dha edhe për Luan Betën, ish-shefin e Urbanistikës në bashkinë e Vorës, ndërtuesen Vjollca Hoxholli si dhe ndërtuesin Ali Dyrmishi, i cili prej dy ditësh ndodhet në spital për shkak të gjendjes së tij shëndetësore. Ndërsa u liruan nën masën e sigurisë "Detyrim paraqitje" 11 prej të arrestuarve.
Lajme të tjera
-
Diskutime të forta te Ligjet, Bardhi: ‘Prokurori i Përgjithshëm injoroi Kuvendin, pse nuk vjen të mbrojë Buxhetin?!’ Bushka: Ka angazhime të tjera
8 Nëntor, 13:05 -
Prokuroria e Përgjithshme marrëveshje me Belgjikën, në fokus lufta ndaj krimit dhe pastrimit të parave
7 Nëntor, 16:34 -
Prokurori i Përgjithshëm, Olsian Çela takon homologen holandeze, prioritet goditja e aseteve kriminale
6 Nëntor, 19:57 -
Komisioni antikorrupsion/ SHBA, Britania dhe BE: S'ka kthim pas të reformës në Drejtësi! Gonzato: Zbatoni vendimet e Kushtetueses siç janë
26 Shtator, 11:28 -
Raportet vjetore 2023, Çela: Kam kërkuar përshpejtim të hetimeve për Mikrokreditë! Akuzat politike minojnë besimin
15 Korrik, 20:58 -
‘Paguheni kot si prokuror’ Bardhi përplaset me Çelën në Kuvend! Kryeprokurori: Përmbajuni kuadrit ligjor që trajton ky raport
15 Korrik, 11:53 -
Siguria e gazetarëve/ Prokurori Olsian Çela takon drejtuesen e Zyrës së KiE në Tiranë: Do trajnojmë oficerët e policisë gjyqësore për lirinë e shprehjes
11 Korrik, 18:26 -
Grupe të përbashkëta Shqipëri dhe përshpejtimin e ekzekutimit të letërporosive
14 Qershor, 09:50 -
Prokurori i Përgjithshëm, Olsian Çela takohet me ambasadorin Gonzato: Ngrihet shqetësimi i mungesës së infrastrukturës në disa Prokurori
31 Maj, 09:02 -
Prokurori i Përgjithshëm raporton në Komisionin e Ligjeve, Çela i shqetësuar: Dosjet stok problem shqetësues për prokurorët! Kërkon më shumë kompetenca
14 Maj, 17:46 -
'U përgjuan mbi 2600 telefona, zbuluan 6 raste të korrupsionit në zgjedhje, 44 u refeuan në SPAK' Prokurori i Përgjithshëm raporton para Komisionit të Ligjeve për vitin 2023
14 Maj, 10:48 -
Dumani kërkoi që prokurorët e SPAK të rikandidojnë, Manja: Jam në krahun e tyre, por Kushtetuta kërkon vullnet më të gjerë se mazhoranca
3 Maj, 10:34
