Në aksin Pukë-Vau i Dejës është regjistruar një grabitje me armë të ftohta.

Mësohet se grabitësi ka hyrë në makinën e shoferit M.Ndoci si pasagjer dhe më pas me anë të një kaçavide e ka kërcënuar atë dhe i ka marrë një shumë të konsiderueshme të hollash.

Gjithashtu bëhet e  dije se autori i grabitjes ka arritur të marrë rreth 250 euro dhe 1500 leke.

Burimet bëjnë me dije se Policia tashmë e ka indetifikuar autorin, E. N. 40 vjeç, lindur në Karmë dhe banues në Tiranë, i denuar me parë për veprën penale të "Vjedhjes", dhe po punon për ta kapur atë.

Njoftimi plotë i policisë:
Pukë

E kanosë dhe i vjedh portofolin, identfikohet dhe shpallet në kërkim nga Policia.

Me datë 24.08.2017, është paraqitur për të bërë kallzim shtetasi M. N, banues në Vau Dejës (emigrant) i cili ka deklaruar se në Gomsiqe, Pukë ka qënë duke udhëtuar me mjet, ku në momentin që ka ndaluar, një shtetas i pa identifikuar, të cilin e kishte marrë pasagjer i ka marrë me forcë portofolin, në të cilin kishte dokumentet, rreth 250 euro dhe 1500 leke.

Nga hetimet e bëra nga strukturat e Komisariatit të Policisë Pukë për rastin e vjedhjes me dhunë në Gomsiqe, është bërë e mundur identifikimi dhe shpallja në kërkim e shtetasit:

E. N. 40 vjeç, lindur në Karmë dhe banues në Tiranë, i denuar me parë për veprën penale të "Vjedhjes"

Materialet iu referuan Prokurorisë së Rrethit Gjyqësor Pukë për veprat penale "Vjedhja me dhunë" "Kanosja" parashikuar nga neni 139 e 84 të Kodit Penal.​

Redaksia Online
J.Sh Shqiptarja.com