Efektivët e Policisë së Shtetit, Altin Dizdari, Fatos Xhani, Kastriot Feska dhe Saimir Duçkollari, të cilët janë shpallur dhe “Dëshmorë të atdheut”, u nderuan me një memorial 15 vite pas ekzekutimit të tyre.
Por më pak se një muaj nga nderimi i tyre, memoriali ka rënë.
Burime zyrtare për Report Tv bëjnë me dije se pllakati ka rënë pasi platforma në mur e cila mban të ngulitur memorialin, është liruar, si pasojë e punimeve të dobëta.
![](https://shqiptarja.com/template/img/NO_ALFA_Kuadrate shqiptarja.png)
Të njëjtat burime mësuan se do të ndërhyhet për ristrukturimin e memorialit për të përforcuar mbajtjen e tij.
Efektivët e Njësisë Operacionale të Policisë së Shtetit, mbetën të vrarë në operacionin e 7 gushtit të vitit 2009, kur ndërhynë në zonën e plazhit për të arrestuar Dritan Dajtin, i cili ishte në kërkim për vrasjen e biznesmenit Agim Beqo.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)