Tre supergola në tetë ndeshjet e tij me Kombëtaren, këto janë shifrat momentale që Jasir Asani ka arritur të regjistrojë me fanellën kuqezi. Historia e 28-vjeçarit nga Shkupi me ekipin kombëtar është nga ato që të motivon, teksa u desh mosha gati 28-vjeçare që ai të merrte për herë të parë një ftesë në ekipin A të Shqipërisë.
Kontakti i parë mes Jasirit dhe Kombëtares ishte në janarin e 2016, kur ai mori një ftesë nga Shpresa U-21, teksa edhe luaji më 22 janarin e atij viti. Prej asaj kohe, asokohe djalosh, mëngjarashi u la në hije, për mos thënë që emri i tij ishte jashtë optikës së FSHF-së.
Në 2019 sulmuesi anësor ishte protagonisti absolut që Partizani fitoi titullin kampion me Skënder Gegën në krye, ndërsa edhe pas një sezoni me "Demat e Kuq" la Shqipërinë për t'u aktivizuar në huazim te AIK në Suedi, ku provoi se për gjashtë muaj futbollin skandinav dhe u rikthye sërish në bazë.
Sezoni 2020-21 ishte për Jasirin i duhuri për kapërcimin e madh. Fundi i korrikut 2021 bëri që Partizani ta linte të lirë Asanin për te Kisvarda në Hungari. Dy sezonet në kampionatin hungarez bënë që Asani të shkëlqente, edhe pse nisja nuk ishte e mirë dhe problemet me aktivizimin i ulën moralin sulmuesit.
Ylli i fatit për të do shndrrinte me fitimin e Kupës së Hungarisë, me Kisvardën që mori të drejtën për në fazën eliminatore të Conference League. Në Europë, Kisvarda u përball në dy takime me Molden e Norvegjisë, duke fituar 2-1 dhe 2-0, për të kaluar më tej.
Do ishte trajneri i Molde, Erling Moe që do dashurohej me Asanin, lojën e tij dhe të majtën e hidhur. Ish-lojtari i Norvegjisë do e kërkonte me ngulm Asanin te Molde, ndërsa Kisvarda donte një shumë më të madh, ofertë që erdhi në janarin e 2023 nga Guangju në Korenë e Jugut, për 700 mijë euro.
Tanimë në Kore dhe me kontratë deri në fundin e 2024, por me opsion rinovimi, u duk se ëndrra e Jasirit për në Kombëtare ishte shuar. Por jo, këtu fillon gjithçka. Emërimi i Sylvinhos në janarin e 2023 në stolin e Kombëtares, bëri që ish-mbrojtësi kampion të merrte në sfaf edhe Pablo Zabaletën, ish-lojtari i njohur i City.
Mes urimeve për emërimin në stafin e kuqezinjve, Zabaleta merr edhe një sms nga një prej miqve të ngushtë të tij, Erling Moe, trajneri i Molde. Veç komplimenteve, Moe e udhëzon që të shohë Jasir Asanin. "Keni një lojtar shumë të mirë, Jasir Asani. Nuk e mora dot te Molde", i shkruante ai.
Menjëherë Zabaleta njofton Sylvinhon se mund të kishin gjetur mëngjarashin që iu duhej në ekip. Udhëtimi për në Korenë e Jugut ishte i duhuri për të parë Asanin, që kishte refuzuar disa herë ftesën e Maqedonisë së Veriut për këtë ditë.
Prej 27 marsit të 2023 Asani është pjesë e kuqezinjve, i pandarë nga formacioni dhe një lojtar që ka bërë mijëra tifozë pas vetes. Veç durimit dhe besimit, ndonjëherë duhet të marrësh edhe asist nga aty ku nuk e pret për të bërë ëndrrën realitet dhe në fund supergolat e tu të jenë më të vlerësuarit nga UEFA.
Pas ndeshjes së djeshme, shkupjani premtoi se do shënojë supergola edhe në Gjermani. "Jam shumë i lumtur sepse kemi gëzuar tifozët kudo që janë, pa ndihmën e tifozëve do të ishte e vështirë. Kemi sakrifikuar dhe kemi dhënë shpirtin. As që bëhet fjalë që do të shënoj supergola edhe në Evropian", tha Jasiri.
Komente
Lajme të tjera
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'
25 Dhjetor, 18:54 -
Ben Andoni: PD-ja përballë protestave, por pa publikun?!
25 Dhjetor, 18:53
-
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Sfida kundër Manchester Cityt, trajneri motivon Brojën: Konkurrenca i bën mirë ekipit
24 Dhjetor, 13:49 -
Alen Sherri merr vendin mes shtyllave, Cagliari nxjerr në shitje portierin
24 Dhjetor, 12:24 -
'Gjigantët' e Spanjës kërkojnë Myrto Uzunin, interes për sulmuesin edhe në SHBA
24 Dhjetor, 10:44 -
Protesta e PD/ Berisha me një grusht militantësh bllokojnë 3 orë Tiranën: Qeveri teknike! Përplasen me policinë! Noka grusht efektivit
23 Dhjetor, 17:11 -
Ardian Ismajli refuzon rinovimin, Napoli e merr në janar! Empoli gjen zëvendësuesin
23 Dhjetor, 12:38 -
Legjionarët/ Asllani realizon supergol me Interin në Kupën e Italisë, Mitaj gjen rrugën e rrjetës në ndeshjen miqësore
23 Dhjetor, 11:59 -
Klubi i Bundesligës gjermane pas Rey Manajt
21 Dhjetor, 21:53
Me pelqeu ky shkrim dhe kuptova nese mos te kishte sugjeru trajneri Moldes ndimsin e Sylvinjos Jasir Asani per federaten tone do ta kishte mbylle karrieren futbollistike pa lujt asnje dite me komtaren.Ky lojtar superyll qe gjun nga larg ne pozicion 45°(qe i ven ne veshtiresi portierat)me te majten e tij te fuqishme dhe qe ka nxit edhe lojtaret e tjere po gjujn nga larg gja qe ma perpara nodhte shum rralle!
PërgjigjuFtesë e merituar!! Suksese kombëtares!!
Përgjigju