Një ndër plagët më të mëdha, të përgjakshme, por edhe më të pabesa, që është kryer ndaj shqiptarëve të Kosovës është Masakra e Tivarit. Për këtë studiuesi Uran Butka në këtë përvjetor promovon librin “Masakra e Tivarit edhe përgjegjësia e shtetit shqiptar”.
Për këtë masakër të projektuar dhe të realizuar nga pushteti komunist jugosllav në muajt mars dhe prill 1945, studiuesi Uran Butka sjell dokumente edhe nga arkivat e huaja “Në përvjetorin e Masakrës së Tivarit me përmasa ballkanike përurojmë librin “Masakra e Tivarit dhe përgjegjësia e shtetit shqiptar” një botim i ri, sepse pas përvojave të deritanishme të mia gjatë këtyre 25 vjetëve, sot u jepet lexuesve e vërteta e plotë e bazuar mbi dokumente të reja, mbi arkivin e Shqipërisë, mbi arkivat jugosllave, marrja e dokumenteve nga arkivat britanike, amerikane edhe të Kosovës” tha Uran Butka.
Nuk mungojnë as 30 intervista me të mbijetuar të masakrës dhe listat e njerëzve të vrarë, për të cilët nuk flitet akoma nga shtetet përkatëse. “Një nga arsyet e këtij botimi është që të zbulohet e vërteta, nga të gjitha shtetet, që për arsye politike e kanë fshehur. Duke zbuluar të vërtetën ne vlerësojmë edhe historikisht këtë ngjarje edhe dënohen edhe masakrat, që mos të përsëriten më kurrë. Masakra e Tivarit u projektua nga shteti komunist jugosllav, por edhe nga ministria e brendshme, komuniste shqiptare. Kolonat me 13 mijë shqiptarë të kalonin nëpër Shqipëri edhe të vriteshin nga shqiptarët edhe regjimi komunist në tokën shqiptare. Kam treguar me fakte, me dokumentet pjesëmarrjen e brigadave të Ushtrisë Nacional Çlirimtare Shqiptare, që shkuan atje, duke u thirrur nga Titoja, që u vunë për të shtypur revoltat e shqiptare, por edhe për të bërë edhe projektin edhe qëllimin e çubriçnoviçcit, që t’i zhdukim shqiptarët nga Kosova, që u përsërit edhe në vitin 1999. Ndërhyri NATO-ja ndryshe do të kishte ndodhur në Tivar” tha ai.
“Po ashtu edhe në Tivar, ku u vranë 1560 shqiptarë. Ndërsa, në të gjithë rrugëtimin nëpër Shqipëri u vranë 1000 shqiptarë. Këtu është përgjegjësia e shtetit shqiptar. Për shembull, sapo u futën në Kukës nga Prizreni, ata menduan se u çliruan dhe ishin në tokën mëmë, por nja dhjetë kosovarë, që u larguan nga kolonat, u vranë nga rojet shqiptare, nga vet shteti komunist shqiptar, që bashkëpunonte me Jugosllavinë, sepse ishte nën hyqin e Jugosllavisë, për ta bërë edhe Kosovën edhe Shqipërinë, Republikën e shtatë të Jugosllavisë” deklaroi Uran Butka.
Por çfarë duhet bërë për zbardhjen e kësaj ngjarjeje? “Në radhë të parë e kanë fjalën historianët, po ashtu edhe shtetet përgjegjës duhet ta njohin këtë masakër, sepse duke e fshehur, plaga majiset, edhe qelbet më shumë brenda trupit dhe jetës së një familjeje, duke e njohur edhe duke kërkuar edhe falje, kapërcehet edhe urrejtja, që është brenda vendeve tona. Unë mendoj edhe që shtetet përkatëse, Serbia, Mali i Zi, edhe shteti komunist shqiptar të kërkojnë falje për këtë masakër, që të kalojnë në paqeje vetëm midis popujve të Ballkanit, por edhe të Europës” përfundoi Uran Butka. Libri u promovua në sallën “Unesco” të Muzeut Historik Kombëtar.
Lajme të tjera
-
Uran Butka: Takimi im me Aranit Çelën më 1992, si më kërcënoi prokurori i komunizmit! Pjesë nga libri 'Polemika'
12 Tetor, 17:03
-
Historiani Uran Butka sjell ‘Polemika’/ Çështjet e nxehta të historisë, kundërshtitë me Kristo Frashërin, Xhufin dhe Kostallarin
12 Tetor, 15:49
-
Letërkëmbimet e Mid’hat Frashërit gjatë 1921-’24, Butka: Akuzat për tradhëti ndaj tij e ‘Ballit’ bien! Si e mbrojti Çamërinë e Kosovën!
3 Tetor 2022, 17:03
-
‘Në mbledhje ku po na bënin demaskim publik, u ngrit një punëtor dhe tha; t’i bëjmë shembull, t’i djegim…’/ Dëshmitë rrëqethëse të Uran Butkës
3 Tetor 2022, 07:38
-
‘Kur i pushkatonin rekrutët shqiptarë, ne të Kosovës qanim me dënesë...’ Rrëfimi i rrallë dëshmitarit okular nga ‘Masakra e Tivarit’
15 Shtator 2022, 08:06
-
‘Ish-laboranti i spitalit tregonte sesi trupi i Mirash Ivanaj gjendej te fakulteti i Mjekësisë’/ Historia tragjike e ish-ministrit që i preu bursën Enver Hoxhës
9 Shtator 2022, 07:45
-
Letërkëmbimet me të dashurat: Pse nuk u martua kurrë Mid’hat Frashëri
9 Nëntor 2021, 18:53
-
Çfarë thoshte Pjetër Arbnori për Berishën, para se të vdiste: Cari i PD-së më ka lënë pa punë, pa rrogë. Ai është përjashtues
5 Tetor 2021, 12:59 -
Libër me ilustrime për Sabiha Kasimatin, pasardhësja: Duhet të njihet në nivel europian, si shkencëtare (VIDEO)
17 Shkurt 2020, 15:33
