Hodhi beton në bregdetin e Durrësit, shoqërohet drejtuesi i betonieres! Policia: Do të hetohet për ‘ndotje të ujërave' (VIDEO)

Një betoniere e cila derdh mbetjet e betonit në bregun e detit në Durrës është filmuar paraditen e kësaj të mërkure. Policia e Durrësit, pas transmetimit të pamjeve, ka hetuar dhe ka shoqëruar drejtuesin e betonieres. 

Në një reagim të  Drejtorisë Vendore të Policisë Durrës thuhet se shoferi i mjetit të tonazhit të rëndë, i identifikuar si Gj.N., është ndaluar dhe po procedohet penalisht për veprën penale ‘Ndotja e ujërave’.

“Në lidhje me një video të publikuar ditën e sotme në rrjetet sociale ku shfaqej një automjet i tonazhit të rëndë (betoniere), duke derdhur mbetje betoni në buzë të detit në lagjen nr. 13, Durrës, ju sqarojmë se: 
Shërbimet e Stacionit të Policisë Plazh, pas transmetimit të pamjeve filmike në rrjetet sociale menjëherë kanë organizuar punën për identifikimin dhe shoqërimin e drejtuesit të betonieres.

LEXO EDHE:
Durrës/ 45-vjeçari nga Tirana plagoset me thikë në bark dhe gjoks gjatë një konflikti, i nënshtrohet operimit (EMRI+VIDEO)

Shërbimet e Policisë kanë indetifikuar, kapur dhe shoqëruar në ambientet e Policisë, shtetasin Gj. N., 43 vjeç, banues në Katund të Ri, Durrës, ku në përfundim të veprimeve të para hetimore, specialistët për Hetimin e Krimit në Stacionin e Policisë Plazh, proceduan penalisht drejtuesin e betonieres, shtetasin Gj. N., për veprën penale “Ndotja e ujërave”.

Policia e Shtetit falënderon mediat e qytetarët që denoncojnë raste të paligjshmërisë dhe siguron qytetartët se struktuarat vendore e qendrore të Policisë do të reagojnë në menyrë të menjëhershme për të vënë përpara drejtësisë personat e përfshirë në paligjshmëri e krim”, thuhet në njoftimin e policise.

 

K.T./Shqiptarja.com

TAG:
• Durres