VIDEO/ Holandë, treni me 50 pasagjerë del nga shinat dhe shpërthen në flakë! Një i vdekur dhe 30 të plagosur, disa në gjendje të rëndë

Një aksident hekurudhor është regjistruar në Voorschoten të Holandës, ku një tren ka dalë nga shinat dhe për pasojë një person ka ndërruar jetë ndërsa rreth 30 të tjerë kanë mbetur të plagosur, mes tyre ka edhe persona në gjendje të rëndë shëndetësore.

Në bordin e trenit kishte rreth 50 pasagjerë kur treni doli nga shinat dhe pjesa e përparme e tij përfundoi në një livadh. Treni po udhëtonte nga Leiden për në Hagë mëngjesin e së martës. Pas aksidentit, një zjarr shpërtheu në pjesën e pasme të trenit, i cili tani është shuar. Pamjet nga vendi i ngjarjes treguan karroca të përmbysura dhe një shtëllungë tymi që ngrihej në qiellin e natës.

Aksidenti ka ndodhur rreth orës 03:35. Sipas një zëdhënësi për Rajonin Hollands Midden Safety, personat e fundit të lënduar janë nxjerrë nga treni. Hetuesit nga Bordi Holandez i Sigurisë janë gjithashtu të pranishëm në vendin e ngjarjes. Deri më tani nuk dihen ende shkaqet që çuan në këtë aksident. = Sipas një zëdhënësi për Rajonin Hollands Midden Safety, pajisjet e ndërtimit në hekurudhë mund të kenë qenë shkaku i aksidentit.

Nëntëmbëdhjetë persona u plagosën dhe u dërguan në spital. Disa dhjetëra të tjerë që gjithashtu u plagosën morën ndihmë në vendngjarje.  11 persona po trajtohen në shtëpitë e banorëve vendas.

Për shkak të aksidentit hekurudhor, asnjë tren nuk do të lëvizë drejt dhe nga Leiden Central deri të paktën në orën 16:00 të së martës.

SI.E./r.k./Shqiptarja.com

TAG:
• Holande
• aksident me tren
• tren