Hoti i përgjigjet Kurtit për rishikimin e vendimeve të kabinetit të tij: S’ka për të pasur mundësi për të marrë pushtetin

Deklarata e kreut të Vetëvendosjes Albin Kurti, se nëse do të jetë fitues në zgjedhjet e 14 Shkurtit, do t’i shqyrtojë të gjitha vendimet e këtij ekzekutivi të drejtuar nga Avdullah Hoti, ka sjellë reagime të shumta në politikën kosovare.

I pyetur në lidhje me këto deklarata Hoti i ka quajtur ato vetëm fiksion dhe theksoi se Kurtit nuk do t’i vijë rradha për të drejtuar.

“E para është veç fiksion i tij, s’ka me i ardhë shanca asnjëherë atij për të marrë pushtetin, ne njëherë ja kemi dhënë pushtetin, edhe dy herë e ka shkel Kushtetutën, më nuk do t’ia japin mundësinë qytetarët që ta marrë pushtetin. Vendimet që i kam marrë unë janë vendime të rëndësisë shtetërore, tash imagjino nëse mund të kontestohet marrëveshja e Uashingtonit, ose vendimet për të vendos rend e ligj, ose vendimet për të shkarkuar drejtorin e Policisë, të cilit ai i ka lëshuar mirënjohje e që më vonë shkoi në PDK. Të gjitha këto janë parulla për fushatë pa asnjë përmbajtje”, ka deklaruar Hoti.

Përpara Hotit kishte reaguar edhe zyrtari i Lidhjes Demokratike të Kosovës, Bajram Gecaj i cili ka krahasuar deklaratat e Kurtit të ngjashme me ato të Lenin.

“… Njëjtë kishte vepruar edhe Vladimir Iliç Lenin në vitin 1917, por Rusisë komuniste ju nevojitën 74 vite të kthehej në familjen e shteteve normale e civilizuese, edhe pse populli rus ende vuan nga pasojat e asaj periudhe …”, ka shkruar Gecaj.

Kosova do të shkojë në zgjedhje të parakohshme në 14 Shkurt, në një fushatë e cila po karakterisohet nga akuza të shumta dhe thyerje të rregullave antiCOVID. 

S.M./Shqiptarja.com
  • Sondazhi i ditës:

    A do të shkoni të votoni në zgjedhjet parlamentare të 25 prillit?

Komento


×

Lajmi i fundit

John

Zgjedhjet e 25 prillit, Imzot George Frendo apel politikanëve: Mos përdorni fjalor fyer, sharës që nuk edukon mbështetësit tuaj