Humbi bashkëshortin në Thumanë, Klotilda Greku sistemohet në apartament të ri në Tiranë

TIRANË- Klotilda Greku do të humbiste bashkëshortin e saj  Sajmir Grekun bashkë me vjehrrin dhe vjehrrën nga tërmeti që goditi vendin më 26 Nëntor.

Vetëm fati do e shpëtonte edhe Klotildën dhe vajzën e saj të vogël natën e tragjedisë, pasi kishte shkuar në Dibër tek prindërit e saj. Ajo u vizitua sot në banesën e saj të re në Tiranë 2+1 nga Kryeministri Edi Rama dhe kreu i Bashkisë së Tiranës, Erion Veliaj, të cilët i garantuan mbështetje të plotë me gjithçka që ka nevojë. Krahas apartamentit të ri i cili është mobiluar me  çdo gjë të nevojshme dhe mbështetjes së menjëhershme financiare, po punohet për t'i lidhur vajzës një pension të posaçëm për shkollim.

 Bashkia e Tiranës është angazhuar që bashkë me qeverinë të sistemojë me banesa dhe të mbështesë financiarisht të gjithë familjet që humbën njerëzit e tyre të dashur nga Tërmeti. Nga ana tjetër, do të rindertohen të gjitha banesat e dëmtuara, ndërkohë që ato me dëmtime të pjesshme do të meremetohen.

 Deri në zgjidhjen përfundimtare, Bashkia e Tiranës ka ofruar bonus qiraje 100 % për familjet e prekura nga tërmeti.

B.K.//Shqiptarja.com
  • Sondazhi i ditës:

    A ju duket i drejtë vendimi i BE për të mos hapur kufijtë me Shqiperinë pas 1 korrikut?

Komento


×

Lajmi i fundit

John

FMN kundër tre nismave të qeverisë: Jo amnisti fiskale, rrezik pastrimi i parave! Heqja e TVSH dhe tatim fitimit 'gërryen' të ardhurat