Në errësirën e nëntokës, me shpresën për të ndriçuar të ardhmen e tyre, dhjetëra burra futen çdo ditë për të punuar në minierat e kromit në Bulqizë, pa ditur nëse do të dalin gjallë nga aty, e në shumë raste, jeta e tyre nuk mjafton për t'i siguruar një jetesë normale familjes.
Ky ishte edhe rasti fatkeq i Fiqiri Karajit, 47-vjeçarit i cili humbi jetën në thellësinë e nëntokës në shkurt të këtij viti, duke lënë pas bashkëshorten dhe 3 vajza.
E sot, mes dhimbjes së humbjes së bashkëshortit, gruaja e tij, Fatbardha detyrohet të përballet çdo ditë edhe me mjerimin e varfërinë ekstreme. 'Report Tv' ishte sot në banesën e kësaj familje që ia dalin me vetëm 35 mijë lekë të vjetra pension që merr vajza e vogël dhe rrogën e Fatbardhës që tregon se ka nisur punë prej një muaji në seleksionimin e kromit. Ajo apelon për ndihmë nga shteti, si e vetmja mënyrë për t'i dhënë një jetesë normale të bijave, njëra prej të cilave është e sëmurë.
"Kam 3 vajza, shumë e vështirë jetesa. Kam filluar punë si seleksionuese kromi për të jetuar. Vajzën e vogël e kam të sëmurë, më japin vetëm 35 mijë lekë të vjetra pension. Kushtet ku jetoj unë janë ekstreme. Ajo që na ndodhi mos i ndodhtë as hasmit, jo më njeriut. Unë kërkoj të vërë dorë shteti, të na ndihmojë", thotë ajo.
"Burri yt ka vdekur", këto ishin të vetmet fjalë që Fatbardha dëgjoi në telefon më 24 shkurt kur i dhanë lajmin e kobshëm, e kur kanë kaluar thuajse 8 muaj, ajo ende nuk di asgjë për rrethanat se si iu vra bashkëshorti.
"Askush nuk na ka thënë se si është vrarë, ne nuk dimë asgjë. Mua më kanë thënë vetëm që është vrarë, se si ndodhi unë nuk e di, se si e zuri materiali brenda nuk e di. Nuk e di as nëse prokuroria nisi apo jo hetimet, asnjë shpjegim nuk më kanë dhënë", thotë ajo.
Vetëm gjatë vitit 2021, në minierën e Bulqizës kanë humbur jetën 3 minatorë, ku rasti më i fundit është ai i Muharrem Plakut, trupi i të cilit mbeti 5 ditë në errësirën e nëntokës. Ai u bllokua nga një masiv minerali që u shemb, ndërsa për ngjarjen u morën në pyetje inxhinieri i kompanisë 'KADURTEX' që kishte në menaxhim galerinë ku ndodhi ngjarja, Veli Losha dhe drejtuesi teknik Saba Hasani.
Minatori Fiqiri Karaj
VIDEO/ Kushtet e baneses se familjes Karaj
VIDEO/ Intervista e plote
I përlotur, xhaxhai i Fiqiri Karajit, minatorit 47-vjeçar që humbi jetën në minierën e Bulqizës në shkurt të këtij viti, thotë se nuk mori asnjë shpjegim për vdekjen e nipit, i cili la 3 fëmijë jetimë. Për 'Report Tv' Gani Karaji ai u shpreh se kushtet e punës në minierë sot janë të vështira dhe se kompanitë private që i kanë në administrim, vetëm po i gërryejnë pa kriter. Sipas tij, në miniera mungojnë inxhinierët e profesionistët.
"Kam punuar 28 vite në minierë. Tani kushtet në miniera janë të vështira, nuk ka më profesionistë, inxhinierë teknikë. Privati vetëm po përfiton, minierat vetëm po gërryhen, është si t'i heqësh shtyllat shtëpisë, a qëndron shtëpia? Jo do rrëzohet. Këtu hy njeriu në galeri dhe del apo jo nuk mban njeri përgjegjësi. Për nipin nuk na dhanë asnjë shpjegim, tani bashkëshortja e tij ka 3 fëmijë e jeton me 35 mijë lekë të vjetra. Shteti t'i japi ndihmë kësaj familje, janë në rrugë", shprehet ai.
Lajme të tjera
-
VIDEOLAJM/ Erërat dhe stuhitë prishin çatinë e Pallatit të Kulturës në Bulqizë
22 Nëntor, 16:24 -
Moti i keq/ Disa fshatra në Bulqizë pa energji elektrike! Në rrugën e Arbrit në fshatin Kajmak rrëshqitje gurësh
21 Nëntor, 08:59 -
Bulqizë/ 50 vjeçari u aksidentua gjatë punës në galerinë e minerës, nisin hetimet për administratorin e firmës
11 Nëntor, 12:50 -
Bulqizë/ Shoferi humbet kontrollin e mjetit, makina bie në lumë (VIDEO)
10 Nëntor, 14:25 -
Aksident në Bulqizë, makina përplas motorin! Plagoset rëndë një person
31 Tetor, 14:11 -
Edison Ypi: Lacrimosa
29 Tetor, 11:26
-
Shtrëngim për dhënie pasurie dhe ndihmë të paligjshëm të kufijve, ekstradohen dy persona! I riu nga Bulqiza do vuajë dënimin e mbetur me 2 vite burg
26 Tetor, 09:57 -
Strategjia 2024 – 2030 për sigurinë në punë/ Në fokus goditja e pagave në dorë! Në sitë ndërtimi, bujqësia e minierat
25 Tetor, 16:29
-
Bulqizë/ Arrestohet 33 vjeçari, nuk iu bind urdhrit të policisë! Gjatë kontrollit iu gjet sasi lënde narkotike
25 Tetor, 08:44 -
Një ditë transformimesh! Njihuni me Samiun, të riun nga Bulqiza që ushtron zanatin më të veçantë
26 Shtator, 09:36
-
Lefter Alla lirohet nga qelia, ish-kryebashkiaku i Bulqizës përfundoi dënimin
22 Shtator, 10:50 -
Bulqizë/ Theu masën e sigurisë ‘Arrest në shtëpi’, në pranga 31-vjeçari
2 Shtator, 09:59
