POP 5

Lajmet më të lexuara të 5 minutave të fundit

Ekonomi

Hyn në fuqi vendimi i Qeverisë, nga sot çdo shërbim që merrej pranë QKB tani tek 'e-Albania'

Sipas vendimit të ndryshuar aplikimi për korrigjimin e gabimit mund të bëhet on-line nga subjekti, të cilit i përkasin të dhënat, nëpërmjet portalit “e-Albania”.

Hyn në fuqi vendimi i Qeverisë, nga sot çdo shërbim që merrej pranë QKB tani tek 'e-Albania'

QKB

Hyn në fuqi vendimi i Qeverisë. Nga sot Qendra Kombëtare e Biznesit nuk do të ofrohen më shërbime në sportel, por vetëm online nëpërmjet portalit e-Albania.

Në vendimin “Për përcaktimin e procedurave të regjistrimit dhe të publikimit në Qendrën Kombëtare të biznesit”, të ndryshuar, i botuar në Fletoren Zyrtare, përcaktohet mospranimi i aplikimeve në sportele për lëshim të ekstrakteve të subjekteve, por dhëniea e tyre për të interesuarit vetëm nëpërmjet formatit elektronik, pas aplikimit online.

Po ashtu edhe aplikimet për korrigjimin e gabimeve do të bëhen online. Gjithashtu për çdo vendim të QKB-së aplikantët do të njoftohen online, përmes portalit e-Albania.

Në vendimin “Për përcaktimin e procedurave të regjistrimit dhe të publikimit në Qendrën Kombëtare të biznesit”, të ndryshuar, përkatësisht në kreun VII, janë bërë ndryshimet si më poshtë:

Në pikën 54 të vendimit, pas togfjalëshit “ në faqen zyrtare të internetit të QKB-së” shtohet togfjalëshi “ si dhe në portalin e-Albania” , i cili i referohet ndjekjes dhe gjurmimit të aplikimit.

Në vendim sqarohet se çdo person i interesuar, pa qenë i detyruar të identifikohet, mund të kryejë, kërkime në të dhënat e publikuara nga QKB-ja në faqen zyrtare, për çdo të dhënë të regjistruar, me përjashtim të adresës së banimit të individëve. Këto kërkime mund të kryhen elektronikisht në faqen zyrtare të QKB-së.

Në pikën 56 të vendimit, theksohet fakti se çdo person, ka të drejtë të marrë, në format elektronik, ekstrakte për të dhënat e regjistruara të çdo subjekti. Gjithashtu çdo person mund të marrë në format shkresor kopje të dokumenteve shoqëruese, të depozituara në regjistër, kundrejt pagesës së tarifës përkatëse.

Vendimi i ndryshuar përcakton edhe shfuqizimi e pikave 57, 58, 59 dhe 60 të vendimit të mëparshëm (është hequr marrja e ekstraktit ne sportel) tek pika 56 theksohet që merret vetëm online.

Ndryshe nga vendimi i mëparshëm që përcaktonte se kërkesa për korrigjimin e gabimit mund të bëhet nga çdo person i interesuar me aplikim sipas formatit të miratuar. Edhe aplikimi për korrigjimin e gabimit paraqitej në sportel nga personi i interesuar, një shërbim që ofrohej pa pagesë.

Sipas vendimit të ndryshuar aplikimi për korrigjimin e gabimit mund të bëhet on-line nga subjekti, të cilit i përkasin të dhënat, nëpërmjet portalit “e-Albania”.

Po ashtu çdo vendim i QKB-së në lidhje me miratimin, pezullimin apo refuzimin e aplikimit i njoftohet në mënyrë elektronike aplikantit në portalin “e-Albania”, si dhe në faqen zyrtare të QKB-së, jo më vonë se 1 ditë nga data e paraqitjes së aplikimit.”

Kliko këtu për të lexuar dokumentin e plotë

Lajmi ne perditesim... 

 

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pavli: 12/12/2024 08:42

    Sipas postimit shtohen shërbimet por në fakt nuk shërbejnë .kam më shumë se,10 ditë që kam aplikuar për rifreskim kartele pasurie dhe nuk përgjigjen kur thuhet se mbrëmja 5 ditëve vjen përgjigja..edhe më keq unk ke ku ankohesh .komenti po e bëjmë por është I pa vlerë sepse duhet bërë në e-Albania dhe jo në portal ,megjithatë ju falenderojmë për mundësinë e shprehjes të pakënaqësisë dhe ju lutem në se e keni mundësinë të,ja përcillni vërejtjet tona portalit qeveritar e-Albania do dimë për një nderë të madh Faleminderit me rrespekt Pavli Gjerazi

    Përgjigju
  • Askushi: 11/12/2024 19:52

    Ore shikoni hipoteken se edhte kthyet ne makth per qytetaret.sjellun pergjigje nga me absurdet si e si te futesh tek hallkat e korrupsionit.jan bere pasanik me zyrat e shtetit

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46