POP 5

Lajmet më të lexuara të 5 minutave të fundit

Kronikë

Hysko rrëfen eksperiencën si i infektuar me COVID: Uroj shumë që askush mos ta kalojë, ka simptoma serioze

Hysko thotë se lajmi më i mirë është që nuk ka infektuar asnjë person pasi e kapi virusin në kohë duke vënë re shenjat e hershme. Ai u bën thirrje qytetarëve që të sensibilizohen dhe të respektojnë masat.

Deputeti Eljo Hysko në një lidhje me skype për edicionin qendror në Report Tv tregoi eksperiencën e tij si ndër deputetët e infektuara me COVID-19.  Ai tha se ka kaluar simptomat më tipike të COVID si marrje mendsh, dhimbje muskujsh dhe humbje shije e nuhatje. Hysko thotë se lajmi më i mirë është që nuk ka infektuar asnjë person pasi e kapi virusin në kohë duke vënë re shenjat e hershme. Ai u bën thirrje qytetarëve që të sensibilizohen dhe të respektojnë masat.

"Java e parë ka qenë me simptoma që tregojnë se duhet të jetë më i fortë sensibilizimi i qytetarëve. Nuk është e lehtë, të gjithë duhet të kenë vigjilencën maksimale, ka simptoma serioze. Janë simptoma të ndryshme, unë kam pasur më tipiket, marrje mendsh, dhimbje koke, dhimbje muskujsh, humbje shije, ethe e djersitje mbi 4-5 herë në ditë. Prej 11 ditësh ndenja  i izoluar, pas 3 ditësh kam bërë tamponin tjetër. Tani  e ndjej veten më mirë. U ambientova me situatën nuk është e lehtë të rrish në karantinë e sidomos për persona që janë në lëvizje. Duhet të ketë përgjegjshmëri maksimale një i prekur nga Covid. Është shumë e rëndësishme për ata që kanë shenja të hershme. Unë e kapa në kohë dhe nuk infektova të tjerë. Të gjithë personat që kam pasur kontakt janë kontrolluar. Lajmi më i mirë është që nuk infektova njeri. Uroj shumë që askush mos ta kalojë", tha Hysko.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03