POP 5

Lajmet më të lexuara të 5 minutave të fundit

Ekskluzive/ I arrestuar për drogë para vrasjes së efektivit Saimir Hoxhës, prokuroria: Aldi Rama u keqtrajtua në Komisariat! Merret i pandehur polici

Pas më shumë se 1 vit hetime, Prokuroria e Lezhës ka arritur të provojë se 21-vjeçari Aldi Rama  i cili ekzekutoi oficerin e krimeve në policinë e Lezhës Saimir Hoxha dhe më pas u vetëvra, është keqtrajtuar nga policia në kohën kur u arrestua me lëndë narkotike dhe armë të ftohtë.

Ekskluzive/ I arrestuar për drogë para vrasjes së efektivit Saimir Hoxhës, prokuroria: Aldi Rama u keqtrajtua në Komisariat! Merret i pandehur polici

Efektivi Saimir Hoxha, vendi i ngjarjes dhe Aldi Rama

LEZHË- Pas më shumë se 1 vit hetime, Prokuroria e Lezhës ka arritur të provojë se 21-vjeçari Aldi Rama  i cili ekzekutoi oficerin e krimeve në policinë e Lezhës Saimir Hoxha dhe më pas u vetëvra, është keqtrajtuar nga policia në kohën kur u arrestua me lëndë narkotike dhe armë të ftohtë në 2020. Në lidhje me këtë çështje organi i akuzës ka mbyllur hetimet, duke marrë të pandehur një efektiv policie me iniciale M.M. Ndaj policit është ngritura akuza "Kryerja e veprimeve arbitrare" dhe dosja penale e hetuar nga prokurori i Lezhës Francesk Ganaj, brenda pak ditësh do të dërgohet në gjykatë.

Organi i akuzës u vu në lëvizje dhe regjistroi procedim penale, pas kallëzimit të bërë nga 21-vjeçari Aldi Rama me pretendimin se ishte dhunuar e keqtrajtuar nga uniformat blu, kur u arrestua me lëndë narkotike dhe armë të ftohtë. Në lidhje me rastin u kryen një sërë veprimesh hetimore, por vetëm për njërin nga 3 efektivet e policisë të kallëzuar nga i riu është arritur të provohet se ka konsumuar element të veprës penale për të cilën është ngritur dhe akuza.

Me 28-shtator të vitit 2021, Aldi Rama u bë protagonist e një krimi të rëndë, duke ekzekutuar me armë zjarri oficerin e Policisë së Lezhës Saimir Hoxha, teksa ky i fundit bashkë me dy kolegë të tij po ktheheshin nga një aksion anti-kanabis në Ishull-Lezhë. Oficeret e policisë ndaluan për kontroll makinën në të cilën ndodhej Aldi Rama bashkë me dy shokë të tij, por sapo i oficeri Saimir Hoxha i ka kërkuar mjetin e identifikimit Ramës ai e qëlloi me armë zjarri, duke e lënë të vdekur në vend. Pas ngjarjes i riu arriti të largohet dhe gjatë operacionit policor për kapjen e tij qëlloi veten me pistolete, duke mbetur i plagosur rëndë dhe një ditë më pas ndërroi jetë në spitalin e Traumës në Tiranë.

Mllefi që kishte krijuar ndaj uniformave blu, duket se e nxitën të riun të ndërmarrë këtë akt të rëndë me viktimë një oficer policie.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 26 Mars, 08:02

    Sa të rëndësishme janë zgjedhjet e 11 majit për integrimin në BE?

Lajme të tjera



×

Lajmi i fundit

Në makinë me armë me silenciator dhe benzinë, 2 të arrestuar në Shkodër

Në makinë me armë me silenciator dhe benzinë, 2 të arrestuar në Shkodër

27 Mars, 12:15